मनाङ। कोरोना महामारीका कारण मनाङमा रोकिएका पर्यटकलाई उद्धार गरिएको छ। अन्नपूर्ण पदमार्गमा आएका पर्यटकको खोजी गर्दै फिर्ता पठाउने गरिएको छ।अन्नपूर्ण संरक्षण क्षेत्रको तथ्याङ्कमा जिल्लाभित्र २२ विदेशी नागरिक रहेका र उनीहरूलाई फिर्ता पठाउने काम भइरहेको मनाङका प्रमुख जिल्ला अधिकारी विष्णुप्रसाद लामिछानेले बताए। हालसम्म १० पर्यटकलाई उद्धार गरिएको छ भने अन्यलाई फिर्ता पठाउने काम भइरहेको छ।
