काठमाडौं। बितेको चौबिस घण्टामा चट्याङ, बाढी, पहिरो, अबिरल वर्षाका घटनामा परी ६ जनाको मृत्यु भएको। ती घटनामा ६ जना घाइते भएका छन्। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार चट्याङबाट महोत्तरी र धनुषमा तीनजना, बाढीबाट रौतहटमा एकजना, अबिरल वर्षाबाट प्यूठानमा एकजना र पहिरोबाट हुम्लामा एकजनाको मृत्यु भएको छ। विपद्का घटनाबाट २०७८ वैशाख १ गतेयता ९३ जनाको मृत्यु भइसकेको छ।
