सत्तारुढ दल नेपाली काँग्रेस १४ औँ महाधिवेशनको चटारोमा छ । ७७ जिल्लाका १ सय ६५ निर्वाचन क्षेत्रमा अधिवेशन सम्पन्न हुने क्रममा रहेको निर्वाचन समितिले जनाएको छ । यसअघि नै एक मात्र प्रतिनिधिसभा निर्वाचन क्षेत्र भएको ३५ जिल्लाको अधिवेशन सम्पन्न भइसकेको छ । ‘एक निर्वाचन क्षेत्र भएको ३५ मध्ये ३२ वटा जिल्ला अधिवेशन सम्पन्न भएकोमा अहिलेसम्म ३५ वटै जिल्लाको अधिवेशन सम्पन्न भइसकेको छ । यसमा सोलुखुम्बुको सोमबार चुनाव हुँदैछ’, समितिका सचिव जगन्नाथ श्रेष्ठले भन्नुभयो ।
