नेपाली काँग्रेसको १४औँ महाधिवेशनअन्तर्गत मंगलबार चार हजार ३१९ प्रतिनिधि छनोट भएका छन् । काँग्रेस केन्द्रीय निर्वाचन समितिले सार्वजनिक गरेको प्रारम्भिक सूचीअनुसार देशभरबाट चार हजार ३१९ प्रतिनिधि चयन भएका हुन् । काँग्रेसको केही जिल्लामा अधिवेशन हुन बाँकी छ । सर्लाहीका प्रतिनिधिको नाम पनि यसमा समेटिएको छैन । महाधिवेशन प्रतिनिधिको आधिकारिक सूची केन्द्रीय निर्वाचन समितिले निर्धारण गरको कार्यतालिका बमोजिमको मिति र समयमा प्रकाशित गरिनेछ ।
