कात्तिक ११, काठमाडौं । बाग्मती प्रदेशका नवनियुक्त मुख्यमन्त्री राजेन्द्र पाण्डेले पद तथा गोपनीयताको शपथ लिएका छन् ।
प्रदेश प्रमुख यादवचन्द्र शर्माले उनलाई पद तथा गोपनीयताको शपथ गराएका हुन् ।
बिहीवार नै उक्त प्रदेशका आन्तरिक मामिला मन्त्री कृष्णप्रसाद खनाल, भौतिक पूर्वाधार मन्त्री कृष्णलाल भँडेल र सामाजिक विकास मन्त्री कुमारी मोक्तानले पनि पद तथा गोपनीयतको शपथ लिएका छन् ।
बुधवार पाण्डेले बहुमत प्रदेश सभा सदस्यको समर्थनमा मुख्यमन्त्रीमा दावी पेश गरेका थिए। अल्पमतमा परेपछि मुख्यमन्त्रीबाट अष्टलक्ष्मी शाक्यले राजीनामा दिएकी थिइन्।
