काठमाडौं। नेपाल पर्यटन बोर्डले ११ जना विदेशी पर्यटकको उद्दार गरेको छ। निषेधाज्ञाका कारण देशका विभिन्न स्थानमा अलपत्र परेका उनीहरुलाई गृहमन्त्रालयको समन्वयमा उद्दार गरेको हो। लाङटाङबाट ५ जना पोलिस, पोखराबाट ४ जना युक्रेनी र लुक्लाबाट २ जना अमेरिकी पर्यटकको उद्दार गरिएको हो। बोर्डले समस्यामा परेका पर्यटकको उद्दार गर्न भन्दै विपद व्यवस्थापन तथा सञ्चार सेल गठन समेत गरेको छ।
