काठमाडौं (अस) । नेशनल लाइफ इन्स्योरेन्स कम्पनीले आयस्रोत, बचत र सुरक्षालाई ध्यानमा राखी जीवनश्री सावधिक अमृत बीमालेख सावधिक बीमा योजना ल्याएको छ । पोखरामा भएको चेयरपर्सन क्लबको कार्यक्रममा कम्पनी अध्यक्ष प्रेमा सिंहले सो बीमालेख सार्वजनिक गरिन् ।
बीमाको अवधि समाप्तिपछि ८० वर्ष उमेरसम्म बीमांकको ९ प्रतिशतका दरले प्रत्येक वर्ष आयस्रोतका रूपमा उपलब्ध हुने यो बीमालेखबाट बीमितलाई ८० वर्ष उमेरपछि प्राप्त गर्ने बीमांक रकम र आर्जित बोनसले आश्रित व्यक्तिलाई सहयोग पुग्ने कम्पनीले बताएको छ । बीमालेखवाट बीमितको अतिरिक्त आयस्रोत सुनिश्चित हुनेछ भने सँगै बचत र सुरक्षा पनि उपलब्ध हुनेछ ।
आफ्नो आयस्रोतअनुसार ५० हजारदेखि माथिसम्मको बीमा गर्न सकिने योजनामा सहभागी बीमितको जुनसुकै बेला मृत्यु भए पनि परिवारलाई एकमुष्ठ बीमांक र बोनस प्राप्त हुनेछ । बीमालेखमा ऋण सुविधासमेत रहेकाले बीमितको तरलता व्यवस्थापनमा योगदान पुग्ने कम्पनीले जनाएको छ । मुनाफामा सहभागी हुन सकिने बीमालेखबाट बीमितलाई आकर्षक प्रतिफलसमेत प्राप्त हुनेछ ।
