कोशी प्रदेश ट्रफी पेप्सी राष्ट्रिय टी–२० क्रिकेट प्रतियोगिताको उपाधिकालागि विभागीय टोली त्रिभुवन आर्मी क्लव र कर्णाली प्रदेश टिम खेल्ने निश्चित भएको छ । क्रिकेट संघ मोरङले गरेको प्रतियोगिताअन्तर्गत शुक्रबार विराटनगरको बैजनाथपुरस्थित प्रस्तावित जीपी कोइराला क्रिकेट मैदानमा भएको खेलमा आर्मीले सुदूरपश्चिम प्रदेशको र कर्णालीले लुम्बिनी प्रदेशको चुनौती समान ५ विकेटले पन्छाउँदै फाइनल प्रवेश गरेका हुन् । अब यी दुईबीच शनिबार उपाधि भीडन्त हुने छ ।
