नेपाललाई एकातर्फ अन्तर्राष्ट्रिय प्रतिबद्धताअनुसार सम्पत्ति शुद्धीकरण निवारणमा भएगरेका प्रगति कसरी देखाउने भन्ने चिन्ता छ भने अर्कोतिर सम्पत्ति शुद्धीकरणसम्बन्धी निकाय सक्रिय भएसँगै निजी क्षेत्रमा त्रास छाएको छ । सम्पत्ति शुद्धीकरण अनुसन्धान विभाग सक्रिय भएसँगै निजी क्षेत्रले असुरक्षित महशुस गरिरहेको छ । विभागका हालसम्मका कामकारबाही हेर्दा पूर्वाग्रही ढंगले आफूहरूमाथि कारबाही हुने आशंका निजी क्षेत्रको छ । सरकारी अधिकारीहरूमाथि अख्तियार दुरूपयोग अनुसन्धान आयोगको त्रास बढेजस्तै आफूहरूमाथि सम्पत्ति शुद्धीकरणको त्रास रहेको निजी क्षेत्रको भनाइ छ ।