कपिलवस्तुको विजयनगर गाउँपालिका–१ गुगौलीस्थित दुधाधारी माध्यमिक विद्यालयमा भडप भएको छ। होलीको टीकाको विषयमा सुरु भएको विवादले विद्यालय तनावग्रस्त बनेको हो।
विवाद बढ्दै जाँदा विद्यार्थीबीच झडप भएको हो। झडप छुट्याउन पुगेका एक शिक्षक, १२ जना प्रहरी घाइते भएका छन्।
झडप नियन्त्रणमा लिन प्रहरीले तीन राउण्ड अश्रुग्याससमेत प्रहार गरेको थियो। प्रहरी नायब उपरीक्षक धर्मराज भण्डारीका अनुसार झडपमा परेर नेपाल प्रहरीका नौ र सशस्त्र प्रहरीका तीनजना घाइते हुनुभएको हो।
