वीरगञ्ज : वर्षौं पुरानो मुलुकको महत्त्वाकांक्षी योजना विफल पार्ने गरी सर्वोच्च अदालतले दिएको अन्तरिम आदेशको वीरगन्ज उद्योग वाणिज्य संघले विरोध जनाएको छ। बारा जिल्लाको निजगढमा बन्न लागेको अन्तरराष्ट्रिय विमानस्थल त्यहाँ नबनाई विकल्प खोज्न भनी सर्वोच्च अदालतले दिएको आदेशप्रति संघले विरोध जनाएको हो।स्थानीय उद्योगी व्यवसायीले त अदालतको सो आदेश निन्दनीय भएको आरोप लगाए। उद्योगी व्यवसायीको जेठो छाता संगठन वीरगन्ज उद्योग वाणिज्य संघले शुक्रबार विज्ञप्ति जारी गर्दै यो आदेशको पुनरावलोकन गर्न माग गरेको छ।
