भारत, अमेरिका र बेलायतका लागि प्रस्तावित राजदूतको नाम संसदीय सुनुवाइ समितिले अनुमोदन गरेको छ । सोमबार संसदीय सुनुवाइ समितिले छलफलपछि ३ देशका प्रस्तावित राजदूतको नाम अनुमोदन गरेको हो ।भारतका लागि प्रस्तावित राजदूत डा. शंकर शर्मा, अमेरिकाका लागि प्रस्तावित राजदूत श्रीधर खत्री र बेलायतका लागि प्रस्तावित राजदूत ज्ञानचन्द्र आचार्यको नाम अनुमोदन भएको हो ।गत कात्तिक ११ गतेको मन्त्रिपरिषद बैठकले भारत, अमेरिका र बेलायतका लागि राजदूतको नाम सिफारिस गरेको थियो । संसदीय सुनुवाई समितिबाट उनीहरुको नाम अनुमोदन भएपछि अब राष्ट्रपतिबाट नियुक्त हुने बाटो खुलेको छ ।
