अमेरिकाको अलास्कामा बिहीवार चीन र अमेरिकाबीच हुन लागेको वार्ताका विषयमा बेइजिङले उच्च अपेक्षा नराखेको अमेरिकाका लागि चीनका राजदूतले बुधवार सञ्चारकर्मीहरूलाई बताएका छन् ।
अमेरिकाका राष्ट्रपति जो बाइडनले कार्यभार सम्हालेपछि पहिलोपटक दुई देशका उच्च अधिकारीको भ्रमण हुन लागेको हो ।
चीनका शीर्ष कूटनीतिकर्मी याङ जीची र परराष्ट्रमन्त्री वाङ यीले अमेरिकाका परराष्ट्रमन्त्री एन्टोनी ब्लिन्केन र राष्ट्रिय सुरक्षा सल्लाहकार जेक सलिभानलाई बिहीवार र शुक्रवार अलास्काको एंकरेजमा भेट्न लागेका छन् ।
यस बैठकको खास एजेन्...
