कंञ्चनजंघा बेसक्याम्प घुमफिर गरि फर्किएका ३ जना विदेशी नागरिक शनिबार विमान चार्टर गरेर काठमाडौं फर्किएका छन् । सीता एयरको जहाजमार्फत दिउँसो २ बजे काठमाडौं फर्किका हुन् । २ जना स्विस र १ जना फ्रान्सका नागरिक हुन् । लकडाउनका कारण उनीहरु सुकेटारस्थित होटलमा ३ दिनयता बस्दै आएका थिए । माउन्टेन एयरको हेलिकप्टर पनि शनिबार नै काठमाडौं लगिएको छ । जिल्लास्थित सदरमुकाम–पाथीभरा दर्शनार्थी बोकेर उडान गर्ने गरेको थियो । हेलिकप्टर एक सातादेखि सदरमुकाममै राखिएको थियो ।
