चैत २२, काठमाडौं । आइएचएसबाट प्रमाणित दोस्रो ठूलो टिभी ब्राण्ड टिसिएलले ‘नयाँ वर्षको टिसिएलमय शुरुवात’ योजना सार्वजनिक गरेको छ ।
यस योजना अन्तर्गत ग्राहकहरुले टिसिएलका होम इन्टरटेनमेन्ट र होम एप्लायन्सका उत्पादनहरु खरीद गर्दा आकर्षक नगद छूट वा निश्चित उपहारहरु प्राप्त गर्न सक्ने कम्पनीले जानकारी दिएको छ । ग्राहकहरुले यो योजना चैत्र ११ गतेदेखि सीमित अवधिका लागि नेपालभरी पाउने भएका छन् ।
ग्राहकले टेलिभिजनको खरीदमा रू. ५९ हजारसम्मको छूट पाउन सक्नेछन् भने कर्भड टेलिभिजनको खरीदमा रू. १९ हजारको छूटका साथै १ थान टि.भी स्टिक उपहार पनि पाउन सक्ने कम्पनीले बताएको छ ।
त्यस्तै, वाशिङ मेसिनको खरीदमा रू. २७ हजार ४०० सम्मको छूटका साथै ६ केजीको एरिअल वाशिङ पाउडर उपहार पनि पाउन सक्नेछन । र रेफ्रिजेरेटरको खरीदमा रू. ३३ हजार ४०० को छूटका साथै केन्टको ओजोन एअर प्युरिफाएर उपहार पनि पाउन सक्ने बताइएको छ ।
त्यसैगरी, एअर कन्डिसनरको खरीदमा रू. ५३ हजार ७०० सम्मको छूटका साथै रू. ४ हजार बराबरको निःशुल्क एसि जडान सुबिधा पनि पाउनुका साथै वाटर डिस्पेन्सरको खरीदमा रू. ४ हजार ९०० सम्मको छूट र चेस्ट फ्रिजरको खरीदमा रू. १४ हजार ८०० सम्मको छूट पाउन सक्ने कम्पनीले बताएको छ ।
यसका साथै कम्पनीले फ्री डेलिभरी, फ्री इन्स्टलेशन एन्ड डेमो र शून्य प्रतिशतमा फाइनान्स सुबिधा पनि प्रदान गरेको छ ।
नेपालभर टिसिएल ब्राण्डको आधिकारिक विक्रेता चौधरी ग्रुपको सिजी इलेक्ट्रोनिक्स अन्तर्गत सिजी इओएल रहेको छ ।
कम्पनीका सिजी डिजिटल शोरुमहरु काठमाडौंभित्र टंगाल, कुमारीपाटी, भक्तपुर राधे राधे, किर्तिपुर, रबिभवन, हातिगौडा, त्रिपुरेश्वर, नयाँ बजार र काठमाडौं बाहिर इटहरी, हेटौंडा, भरतपुरमा रहेका छन् ।