काठमाण्डाै - कतारमा चलिरहेको फिफा विश्व कप फुटबल प्रतियोगिताअन्तर्गत प्रि क्वाटर फाइनलमा पुग्ने १६ देशको टुङ्गो लागिसकेको छ । अरु १६ देश प्रतियोगिताबाट बाहिरिसकेका छन् । आजदेखि प्रि क्वाटर फाइनलका खेलहरु सुरु हुँदैछन् ।
विश्व कप फुटबल मध्यपूर्वमा र यस समयमा हुन लागेको यो पहिलो पटक हो । यससँगै कतार विश्व कप फुटबल आयोजना गर्ने पहिलो अरब देश बनेको छ । सन् २०२२ को विश्व कप फुटबल सञ्चालनका लागि सन् २०१० मा मतदानमा कतारले बाजी मारेको थियो । उसले अमेरिका, दक्षिण कोरिया, जापान र अस्ट्रेलियालाई पछाडि पारेर यो अवसर आफ्नो...
