नेपाल एपीएफ क्लबले प्रधानमन्त्री कप पुरुष ट्वान्टी–२० राष्ट्रिय क्रिकेट प्रतियोगितामा लगातार तेस्रो जित पाए पनि सेमिफाइनल सुरक्षित हुन सकेको छैन । एपीएफले बिहीबार रोमाञ्चक खेलमा गण्डकी प्रदेशलाई २ रनले पराजित गर्यो । समूह ‘बी’ मा समान २ खेल खेल्दै १–१ जित निकालेका वाग्मती र लुम्बिनी प्रदेशले मात्र गणितीय हिसाबमा एपीएफलाई उछिन्न सक्छन् । एपीएफले शुक्रबार लुम्बिनीसँग खेल्दै छ । यसमा आफूअनुकूल नतिजा निकालेमा एपीएफ सेमिफाइनल प्रवेश गर्नेछ ।
