काठमाडौँ। चैत १० गतेबाट पूर्ण रूपमा खाली भएको लोकसेवा आयोगमा जान पूर्व प्रशासकहरूको दौडधुप सुरु भएको छ। हालै अवकाश लिएका पूर्व सचिवहरू लोकसेवा आयोगमा जान सत्तारुढ दल निकट नेपाल कम्युनिस्ट पार्टी (ओली खेमा)का नेताहरूको घर-घर धाउन थालेका छन्। ६ वर्षीय सेवा अवधि समाप्त भए पछि गत चैत १० गते देखि आयोगका अध्यक्ष उमेश मैनाली तथा सदस्यहरूमा बिन्द्रा हाडा, अशोक झा, ब्रह्मदेव यादव र कृष्णचन्द्र झाले राजीनामा दिएका हुन्।
