लुम्बिनी प्रदेशका नवनियुक्त मुख्यमन्त्री कूलप्रसाद केसीले शपथ ग्रहण गरेका छन् ।
प्रदेश प्रमुख अमिक शेरचनले प्रदेश प्रमुख कार्यालयमा केसीलाई पद तथा गोपनीयताको शपथ गराएका हुन् ।
केसी ४ दलीय गठबन्धनको सरकारमा मुख्यमन्त्री बनेका छन् ।
रोल्पाको निर्वाचन क्षेत्र नम्बर १(१) बाट प्रत्यक्ष निर्वाचित केसी यसअघि शंकर पोखरेल नेतृत्वको सरकारमा आन्तरिक मामिला तथा कानूनमन्त्री बनेका थिए ।
माओवादी केन्द्र र एमाले अलग–अलग भएपछि उनले वैशाख ६ गते राजीनामा दिएर पोखरेल विरुद्धको अविश्वासको प्रस्तावमा हस्ताक्षर गरेका थिए ।
...
