बागलुङ । बागलुङ जिल्लाभर लगातार ४ दिनको वर्षात्ले १०० रोपनीभन्दा बढी क्षेत्रफलमा लगाइएको धानबाली नष्ट भएको छ । जिल्लाको करीब सय रोपनी क्षेत्रफलमा लगाइएको धानबाली नष्ट भएको र अन्य क्षेत्रमा हावाले ढालेको कृषि ज्ञान केन्द्रका प्रमुख भानुभक्त भट्टराईले जानकारी दिए ।
पहाडमा तराईमा जस्तो धान खेत डुबान नभए पनि पाक्न थालेको धानमा पानी र हावाले क्षति पु¥याएको हो । जिल्लाका सबै पालिकाबाट यकिन तथ्यांक भने आउन बाँकी रहेको भट्टराईले बताए ।
‘जिल्लाका सबै पालिकाबाट हामीले क्षतिको विवरण संकलन गरिराखेका छौं,’ केन्द्र प्रमुख भट्टराईले भने, ‘पानी बन्द हुन थालेको छ, धेरै खेतमा धान ढालेको जानकारी आएको छ । तर धान उत्पादनमा यस वर्ष वृद्धि हुने लक्ष्य राखेको ज्ञान केन्द्रले बेमौसमी वर्षाका कारण धान खेती घट्ने अनुमान गरेको छ ।’
जिल्लामा १८ हजार ६०० मेट्रिक टन धान उत्पादन हुने कृषि ज्ञान केन्द्रले अनुमान गरेको छ । घरमा धान भिœयाउन काटेर सुकाएका जिल्लाको निसीखोला गाउँपालिका–५ का नरसिंह घर्तीले साढे १० मुरी उत्पादन हुने खेतको धानमा क्षति पुगेको बताए । रातको समयमा पानी परेपछि धान जोगाउन नसकिएको उनको भनाइ छ ।
मार्सी जातका धान लगाएकाले अरू धानभन्दा छिटो पाकेको हुँदा दशैंलगत्तै काटेर भिœयाउने चटारोमा रहेका किसान बढी मर्कामा छन् । निसीखोला क्षेत्रमा अधिकांशले जडन प्रजातिका धान लगाउने भएकाले धेरै क्षति हुन पाएको छैन । मार्सी जातको धान लगाएका किसान भने बेमौसमी वर्षाको मारमा परेका छन् । रासस
