कारोबार दैनिक

चैत्र २०७६

सञ्चालनमा आए बन्द भएका चिया बगान

नेपाल चिया विकास निगम अन्तर्गतका चिया कमान सञ्चालनमा आएका छन् । चिया विकास निगमले बुधबारदेखि झापा मेचीनगर नगरपालिकाको टोकला चिया कमान सञ्चालनमा ल्याएको हो । सरकारले चिया बगान तथा उद्योगलाई पूर्ण क्षमतामा सञ्चालनका लागि आह्वान गर्दै आए पनि अधिकांश चिया कमान बन्द थिए ।

पूर्ण विवरण

सम्बन्धित सामग्री

हेरिटेज ग्रुपद्वारा ३० करोड लगानीमा चिया उद्योग स्थापना

साउन १४, झापा । व्यापारिक घराना हेरिटेज ग्रुपले चियाको निर्यात गर्ने लक्ष्य लिएर मेचीनगर नगरपालिका–१० मा उद्योग स्थापना गरेको छ । यसअघि कार्पेट र म्याट्रेसलगायत विभिन्न वस्तुका उत्पादनमा ख्याति आर्जन गर्दै आएको सो ग्रुपले ३० करोड रुपैयाँ लगानीमा ‘हेरिटेज टी उद्योग’ सञ्चालन गरेको हो । गत सातादेखि उद्योग सञ्चालनमा ल्याएको ग्रुपले मेचीनगर–१५ मा १५० बिघा क्षेत्रफलमा चिया बगान पहिल्यैदेखि सञ्चालन गर्दै आएको छ । ग्रुपका कार्यकारी अध्यक्ष हेमराज ढकाल नेपाल उद्योग वाणिज्य महासंघका स्वास्थ्य तथा सीप विकास समितिका सभापतिसमेत रहेका छन् । प्रदेश नं १ को सबैभन्दा ठूलो विकास बैंक एक्सेल डेभलपमेन्ट बैंकको पूर्वअध्यक्ष र झापाको चिया उत्पादक र साना किसान बीचको विवाद समाधानमा योगदान पुर्‍याएका उनले चिया उद्योगमा बढाएको लगानी उत्साहप्रद मानिएको छ । उनले पहिलो वर्ष सिटीसी चिया र अर्को वर्षदेखि अर्थोडक्स चियासमेत उत्पादन गरेर विदेश निर्यात गरिने जानकारी दिए । भारत, रुस र अरब मुलुकहरुमा निर्यात गर्ने तयारी रहेको बताइएको छ । वार्षिक १० लाख केजी तयारी चिया उत्पादन गर्ने उक्त उद्योगको क्षमता रहेको छ । उद्योग सञ्चालनमा आएपछि स्थानीयवासीले रोजगारी पाएका छन् । रासस

Aarthik Abhiyan आषाढ २०७८

कामविहीन बने चिया मजदुर

कोरोना कहरले बगान सञ्चालनमा नआउँदा चिया मजदुर कामविहीन बनेका छन् । यतिबेला झापाको टोकला, मित्तल र गुप्ता चिया बगानका ११५० बढी मजदुर कामविहीन बनेका हुन् । कोरोनाले धेरैको मजदुरी मात्र नगुमेरे, काममा भएकाहरु पनि जीवन जोखिममा राखेर त्रासकाबीच काम गरिरहेको नेपाल चिया बगान श्रमिक संघका अध्यक्ष दीपक तामाङले बताए । सरकार चिया मजदृुरको पक्षमा उभिन […]

कारोबार दैनिक बैशाख २०७८

चिया बगान मजदुरका समस्या समाधान गर्न जाेड दिन माग

कोरोना महामारीका कारण भएको निषेधाज्ञाले चिया बगानमा काम गर्ने मजदुरहरुको अवस्था जटिल भएको भन्दै ध्यान दिन आग्रह गरिएको छ । सम्वाद समूह झापाको संयोजनमा आइतवार भएको भर्चुअल छलफलमा मजदुर नेताहरुले कोरोनाका कारण मजदुरहरुको परिवार संकटमा परेको भन्दै समयमा नै ध्यान दिन सरोकारवालाहरुको ध्यान जानुपर्नेमा जोड दिइएको छ । सञ्चालनमा रहेका चिया बगान र उद्योगमा न्यूनतम् स्वास्थ्य सुरक्षा मापदण्डको पालना नभएको पनि सो अवसरमा आवाज उठेको छ । कोरोनाका कारण टोकला, मित्तल र गुप्ता चिया बगानका ११ सय ५० भन्दा बढी मजदुर कामविहीन भएको पनि मजदुर नेताहरुले बताएका छन् ।

गोरखापत्र बैशाख २०७८

टोकलालाई नगर प्रमुखको निर्देशन

उत्तम नेपाल, भद्रपुर टोकला चिया बगान प्रशासनलाई विश्व स्वास्थ्य सङ्गठनले जारी गरेको स्वास्थ्य मापदण्ड पालना गर्न सोमबार निर्देशन दिइएको छ । मेचीनगर नगरपालिकाको ७ र ८ नम्बर वडामा सञ्चालित टोकला चिया कमान स्वास्थ्य मापदण्ड पालना नगरी सञ्चालनमा रहेको गुनासो आएपछि नगर प्रमुख विमल आचार्यको टोलीले कारखानामै पुगेर यस्तो निर्देशन दिएको हो । नगर प्रमुख विमल […]

नेपाल समाचारपत्र बैशाख २०७८