काठमाडौं (अस) । नेपालमा टीभीएस स्कुटर र मोटरसाइकलको आधिकारिक वितरक जगदम्बा मोटर्सले भ्यालेन्टाइन डे अवसर पारेर सम्पूर्ण टीभीएस स्कुटरमा कनेक्ट टू लभ योजना ल्याएको छ । कम्पनीले जुपिटर क्लासिक, वेगो एफआईलगायत स्कुटरमा यो योजना लागू हुनेछ ।
कम्पनीले स्मार्ट स्पोर्टी स्कुटर एन्टर्क बिक्री वितरण गर्दै आएको छ । स्मार्ट कनेक्टयुक्त एन्टर्क नेपालमा सबैभन्दा बढी बिक्री हुने प्रिमियम स्कुटर रहेको कम्पनीको दाबी छ ।
‘लभ इज जस्ट अ कल अवे’ थिम रहेको योजनाअन्तर्गत उपभोक्ताले कुनै पनि मोडलको नयाँ टीभीएस स्कुटर खरिदमा ६ हजार रुपैयाँसम्मको सिओर सट नगद छुटका साथै हरेक दिन लक्की ड्रमार्फत एउटा रियलमी स्मार्ट फोन जित्न सक्नेछन् ।
लक्की ड्र हरेक दिन कम्पनीको आधिकारिक फेसबुक पेजमार्फत सार्वजनिक गरिनेछ ।
योजनाअन्तर्गत ग्राहकले ४० प्रतिशत डाउन पेमेन्ट गरेर शून्य प्रतिशत ब्याजदरमा स्कुटर खरिद गर्न सक्ने कम्पनीले बताएको छ ।
