काठमाडौं । चालू आर्थिक वर्ष (आव)को फागुनसम्म निर्जीवन बीमा कम्पनी (Non-life Insurance Company) हरूले २५ अर्बभन्दा बढीको व्यापार गरेका छन् ।
नेपाल बीमा प्राधिकरण (Nepal Insurance Authority) ले मंगलवार सार्वजनिक गरेको विवरणअनुसार चालू आवको साउनदेखि फागुनसम्म निर्जीवन बीमा कम्पनीहरूले २५ अर्ब ८७ करोड ३३ लाख रुपैयाँको व्यापार गरेका हुन् । यो गत आवको सोही अवधिको तुलनामा २.२६ प्रतिशतभन्दा बढी हो । गत आवको आठ महीनामा निर्जीवन बीमा कम्पनीहरूले २५ अर्ब २९ करोड ९९ लाख रुपैयाँको व्यापार गरेका थिए ।
चालू आवको समीक्षा अवधिमा निर्जीवन बीमा कम्पनीहरूले १८ लाख ७६ हजार ४५३ ओटा बीमालेख जारी गरेका छन् । फागुनमा मात्रै निर्जीवन बीमा कम्पनीहरूले २ लाख ४० हजार १७० ओटा बीमालेख जारी गरी २ अर्ब ८१ करोड रुपैयाँभन्दा बढीको व्यापार गरेका छन् ।
निर्जीवन बीमा कम्पनीहरूले हालसम्म सम्पत्ति, सामुद्रिक, हवाई, मोटर, इन्जिनियरिङ तथा सम्पूर्ण ठेग्गा जोखिम, कृषि तथा बाली बीमा, लघुबीमा र विविध बीमालेख बिक्री गर्दै आएका छन् ।
शिखर इन्स्युरेन्सको सबैभन्दा बढी व्यापार
फागुनसम्ममा निर्जीवन बीमा कम्पनीहरूमध्ये सबैभन्दा बढी व्यापार शिखर इन्स्युरेन्स (Shikhar Insurance) ले गरेको छ । शिखरले आठ महीनामा ३ अर्ब ३४ करोड ४८ लाख रुपैयाँको व्यवसाय गरेको छ ।
यस्तै दोस्रोमा नेको इन्स्योरेन्स (Neco Insurance) ले १ अर्ब ९७ करोड ६ लाख रुपैयाँ र तेस्रोमा हिमालयन एभरेष्ट इन्स्योरेन्सले १ अर्ब ९१ करोड २३ लाख रुपैयाँको व्यापार गरेको प्राधिकरणले जनाएको छ ।
बीमक
फागुन महीनासम्मको
जारी बीमालेख संख्या
कुल बीमा शुल्क
(रु. लाखमा)
नेपाल इ. कं. लि.
117,059
10,037.59
दि. ओरिएन्टल इ. कं. लि.
26,915
9,314.47
राष्ट्रिय बीमा कम्पनी लि.
37,977
18,095.19
नेशनल इ. कं. लि.
21,584
6,448.33
युनाइटेड इ. कं. (नेपाल) लि.
75,453
7,847.63
प्रिमियर इ. कं. (नेपाल) लि.
93,667
12,412.58
नेको इ. लि.
187,805
19,786.37
सगरमाथा इ. कं. लि.
145,200
18,683.39
प्रभु इ. लि.
83,395
10,263.55
आईएमई जनरल
77,620
12,103.17
प्रूडेन्सियल इ. कं. लि.
89,238
8,959.23
शिखर इ. कं. लि.
171,395
33,448.51
लुम्बिनी ज. इ. कं. लि.
88,890
12,142.90
एनएलजी इ. कं. लि.
131,299
15,868.95
सिद्धार्थ इ. लि.
131,361
16,258.68
अजोड इ. कं. लि.
91,996
12,355.39
हिमालयन एभरेष्ट इ. लि.
171,713
19,123.12
सानिमा जिआईसी इ. लि.
118,911
14,148.58
सिद्धार्थ प्रिमियर इ. लि.*
13,132
1,224.15
सगरमाथा लुम्बिनी इ. क. लि.*
1,843
211.84
कुल
1,876,453
258,733.60
स्रोत: नेपाल बीमा प्राधिकरण
(नोट : सिद्धार्थ इ. लि. र प्रिमियर इ. कं. (नेपाल) लि. हाल मर्ज भई सिद्धार्थ प्रिमियर इ. लि. को नामबाट कारोबार शुरु भएको छ । त्यसैगरि सगरमाथा इ. कं. लि. र लुम्बिनी ज. इ. कं. लि. मर्ज भई सगरमाथा लुम्बिनी इ. क. लि. (सलिको)को नामबाट एकीकृत कारोबार शुरु गरिएको छ ।)