तिलक थापा, बागलुङ ।
अखिल नेपाल शिक्षक संघ काठेखोलाको दोस्रो भेला शनिबार धारा मावि तंग्रामको सभाहलमा सम्पन्न भएको छ । भेलाको उद्घाटन अखिल नेपाल शिक्षक संघ बागलुङका जिल्ला अध्यक्ष मित्र ढकालले गर्नु भएको थियो ।
भेला सफलताको शुभकामना दिनेहरुमा अखिल नेपाल युवक संघका केन्द्रीय उपाध्यक्ष लक्ष्मण पुन, अखिल नेपाल भूतपूर्व सैनिक संघ बागलुङका सचिव थिरबहादुर राना, अखिल नेपाल जनजाती सम्मेलन बागलुङका सदस्य थमन पुन, राष्ट्रिय जनमोर्चा तंग्रामका अध्यक्ष विष्णु कडेल, अखिल नेपाल महिला संघ बागलुङका सदस्य विष्णुकलि थापा, जनता मावि धम्जाका प्र.अ. कुलदिप क्षेत्री, भिमसेन मावि बिहुका शिक्षक धनप्रसाद पुन लगायत हुनुहुन्थ्यो ।
भेलाको बन्दसत्र सञ्चालनका लागि नरबहादुर पच्या, कृष्ण पुन, माया सुनार रहेको अध्यक्ष मण्डल गठन गरिएको थियो । भेलाले धनप्रसाद पुनको अध्यक्षतामा ११ सदस्यीय अखिल नेपाल शिक्षक संघ काठेखोला गाउँ समिति निर्वाचित गरेको छ ।
समितिको उपाध्यक्ष हेमराज सुवेदी, सचिव कुल बहादुर क्षेत्री, सहसचिव राधिका थापा, कोषाध्यक्ष भिम बहादुर विक, सदस्यहरुमा सरस्वती कडेल, सरोज थापा, लालमती थापा, लक्ष्मी थापा, मनीमाया पुन र माया सुनार रहनु भएको छ । कार्यक्रम कमला थापाको अध्यक्षता, हेमराज सुवेदीको संचालन र कृष्ण पुनको स्वागत मन्तव्यमा सम्पन्न भएको थियो ।
