काठमाडौं । गैरआवासीय नेपाली संघ (एनआरएन) विस्कन्सिन च्याप्टरका सचिव गोविन्द फुलाराले आगामी अधिवेशनमा अध्यक्ष पदमा उम्मेदवारी दिने घोषणा गरेका छन् ।
उनले सामाजिक सञ्जालमार्फत एनआरएन विस्कन्सिन च्याप्टरको अध्यक्ष पदमा उम्मेदवारी दिने घोषणा गरेका हुन् ।
सन् २०१३ देखि अमेरिकाको विस्कन्सिन राज्यमा बसोबास गर्दै आएका उनले विस्कन्सिन च्याप्टरमा चालू कार्यकाल (सन् २०२१–२३) गरी दुई कार्यकाल सचिवको अनुभव हासिल गरेका छन् । उनी अघिल्लो कार्यकाल (सन् २०१९–२१)मा पनि सचिवको भूमिकामा थिए ।
उनले नेपाली संस्कृतिको जगेर्ना गर्दै विस्कन्सिन राज्यमा रहेका नेपालीहरूको माग, मुद्दा र समस्या समाधानका लागि पहल गर्ने प्रतिबद्धता गरेका छन् । साथै उनले आफूलाई प्रतिनिधिहरू निर्वाचित गराउने विश्वाससमेत व्यक्त गरेका छन् ।