खिमराज चालिसे, चंडिगढ ।
मूल प्रवाह अखिल भारत नेपाली एकता समाज चंडिगढ नगरसमितीद्वारा संचालित सिटि एरिया समिति अन्तर्गत सेक्टर २४ मा टोल समिति गठन गरिएको छ ।
महिला नगर सदस्य मन्जु विकको पहल तथा केन्द्रीय सल्लाहकार तथा नेपाली समाचारका संयोजक खिमराज चालिसे र नगर सदस्य एवम् एरिया अध्यक्ष दुर्गा विकको विषेश उपस्थितिमा सम्पन्न भेलाले समिति गठन गरेको हो ।
भेलामा ‘मूल प्रवाहको इतिहास एवम् हाम्रो दाहित्वबारे प्रशिक्षण तथा छलफल गरिएको थियो । भेलाले विमला पाण्डेको अध्यक्षतामा १३ सदस्यीय ‘प्रगतिशील’ नामक टोल समितिको गठन गरेको छ ।
समितिको उपाध्यक्षमा सिता खडका, सचिव विनोद गौतम, सहसचिव विष्णु पाण्डे कोषाध्यक्ष समुन्द्र कार्की र सदस्यहरुमा कासीराम डांगी, बालीका डांगी, कमल बहादुर खडका, ज्योती कार्की, रिना, कृतीका अमगाईं, ऋषी अमगाईं, मोनिका सुवेदी लगाएत हुनुहुन्छ।
नवनिर्वाचित समितिको तर्फदेखी अध्यक्षको सपथ ग्रहण पछि शुभकामना दिने वक्ताहरुमा मूल प्रवाह केन्द्रीय सल्लाहकार एंव युगदर्शन सम्वाददाता खिमराज चालिसे, नगर सदस्य एंव एरिया अध्यक्ष दुर्गा विक, महिला नगर सदस्य मन्जु विक, विद्यार्थी नगर सदस्य सम्झना विक, वाल विभागका संयोजक सन्दिप विक लगाएत हुनुहुन्थ्यो ।
