काठमाडौं । अनेरास्ववियु (छैठौं) ले पूर्व विद्यार्थी नेता डाचाराज वाग्लेको निधनप्रति दुःख व्यक्त गरेको छ । अखिल (क्रान्तिकारी)का पूर्वअध्यक्ष वाग्लेको यही माघ २१ गते राति दुर्घटनामा निधन भएको थियो ।
अखिल (छैठौं) का अध्यक्ष विमल पोखरेलले शोक वक्तव्य प्रकाशित गरी उहाँको निधन रहश्यम भएको भन्दै छानबिनको माग गर्नुभएको छ ।
नेकपा सर्लाहीका इन्चार्ज वाग्ले प्रतिनिधि सभा विघटनविरुद्धको आन्दोलनको नेतृत्व गरी फर्कने बेलामा रहश्यमयी निधन भएको भन्दै सो पार्टीले छानबिनको माग गरेको छ ।
वक्तव्यमा भनिएको छ, ‘नेपाली वामपन्थी विद्यार्थी आन्दोलनमा नेतृत्वदायी योगदान गरेका नेता, नेपाल कम्युनिष्ट पार्टी (नेकपा)का केन्द्रीय सदस्य, अखिल (क्रान्तिकारी)का पूर्वअध्यक्ष डाचाराज वाग्लेको २०७७ माघ २१ गते राती निधन भएको छ । उहाँ चढ्नुभएको मोटरसाइकल दुर्घटना भएको देख्ने व्यक्ति कोही नभएको कारण घटना प्रष्ट भएको छैन । घटनाको छानविन गरी सत्यतथ्य पत्ता लगाउन माग गर्दछौं ।
वाग्ले नेतृत्वको अखिल (क्रान्तिकारी)सँग अखिल (छैठौं)को लामो सहयात्रा भएको थियो । चार वाम विद्यार्थी संगठनको संघर्षमा उहाँको नेतृत्वदायी भूमिका रहेको थियो । अखिल (छैठौं) र अखिल (२०२२)बीच एकता हुँदा उहाँले अभिभावकीय भूमिका खेल्नुभएको थियो । नेपाली वामपन्थी आन्दोलनले एक संघर्षशील व्यक्ति गुमाएको छ । अखिल (छैठौं)को तर्फबाट डाचाराज वाग्लेप्रति हार्दिक श्रद्धाञ्जली व्यक्त गर्दै शोकसन्तप्त परिवारप्रति गहिरो समवेदना प्रकट गर्दछौं ।’
नेकपाका सर्लाही इञ्चार्ज डाचाराज वाग्लेको मृत्यु
