काठमाडौं । नेपाल विज्ञापन संघ (आन)ले विज्ञापन ऐन, विज्ञापन बोर्ड गठन र एकद्धार विज्ञापन नीतिको विरुद्धमा आन्दोलन थालेको छ। बिहीबार काठमाडौंको बबरमहलमा नेपाल विज्ञापन बोर्डको भवन अगाडि आनका पदाधिकारीहरुले धर्ना दिएका छन्। धर्नामा– विज्ञापन बजार बढाउने नीति लागू गर,विज्ञापन बोर्ड विज्ञापन बाड्ने अखडा होइन,विज्ञापन एजेन्सीको हक अधिकार लागू गर र विज्ञापन ऐन खारेज गर, लगायतका प्ले कार्ड प्रदर्शन गरेका थिए।
