सन् २०१९ को अन्त्यतिर चीनको वुहानबाट सुरु भएको कोरोना संक्रमण विश्वभर फैलिएसँगै यसले स्वास्थ्य संकटका अतिरिक्त गम्भीर सामाजिक आर्थिक संकटहरू निम्त्याएको छ । विशेषगरी संक्रमण नियन्त्रणका लागि विभिन्न मुलुकले चालेका नियन्त्रणात्मक उपायहरूबाट आर्थिक क्रियाकलापहरू नराम्ररी प्रभावित भएका छन् । सन् २०२० मा विश्व अर्थतन्त्रले सन् १९३० यताकै सबैभन्दा ठूलो मन्दीको सामना गर्नुपर्ने प्रक्षेपण अन्तर्राष्ट्रिय मुद्रा कोषले गरिसकेको छ ।
