काठमाडौं । रिलायन्स फाइनान्स र एब्सोल्युट एस्थेटिक्सबीच सौन्र्दय तथा स्वास्थ्य सेवामा छूट दिने सम्बन्धी सम्झौता भएको छ । यस सम्झौताअन्तर्गत संस्थाका ग्राहक, शेयरधनी तथा कर्मचारीले एस्थेटिक्सका सेवामा १५ प्रतिशतसम्म छूट पाउने बताइएको छ । एस्थेटिक्सले सौन्र्दय सेवा (छाला), दन्त सेवा तथा प्लास्टिक सर्जरी तथा अन्य स्वास्थ्य सेवा उपलब्ध गराउँदै आएको छ ।
यसैगरी रिलायन्स फाइनान्सले २१ ओटा शाखा कार्यालयमार्फत सेवा पुर्याउँदै आएको छ । निक्षेप तथा कर्जाका अतिरिक्त सेवाग्राहीलाई मोबाइल बैंकिङमार्फत विभिन्न भुक्तानी सेवा, एटीएम सेवा, विभिन्न रेमिट्यान्स सेवा, आइपीएस, कनेक्ट आइपीएस, एबीबीएस, एसीसी लगायत विभिन्न एप्स समेतका प्रविधिका सेवा प्रदान गर्दै आएको बताइएको छ ।
