उ त्यो पारि गाउँमा
अघिल्लै हप्ता आएको दशैं
मेरोमा आइपुगेन सानी !
बाटो पनि थियो
खोलामा साँघु पनि थियो
मेरो घर पनि देखिन्थ्यो परैबाट
तर निष्ठुर दशैं !
खोला पारिसम्म आएर
यता आउँदै आएन ।
मैले राम पनि सम्झेको थिएँ
अनि धाम पनि
दुर्गा, काली सबैको आराधना
गरेको थिएँ एक चित्तले
तर खै,दशैं भित्रिएन सानी!
सायद उसलाई लाग्यो होला
अगेनो चिसै छ मेरो
खोर रित्तै छ
भण्डार खाली छ
पोहोर लास आयो छोराको अरबबाट
अस्ति बुहारी बितिन् निमोनियाले
सानो नातिलाई खोलाल...
