भदौ १४, काठमाडौं । सनराइज म्युचुअल फण्ड अन्तर्गत सञ्चालित सनराइज फर्स्ट म्युचुअल फण्ड र सनराइज ब्लूचिप फण्डले साउन मसान्तको वित्तीय विवरण सोमवार सार्वजनिक गरेका छन् ।
उक्त वित्तीय विवरण अनुसार दुवै योजनाको एनएभी असार मसान्तको तुलनामा साउन मसान्तमा वृद्धि भएको छ । सनराइज ब्लूचिप फण्डको एनएभी असार मसान्तसम्ममा रू. १० दशमलव शून्य ६ रहेकोमा साउन मसान्तमा वृद्धि भएर रू. १० दशमलव ५० पुगेको हो ।
त्यसैगरी, सनराइज फर्स्ट म्युचुअल फण्डको एनएभी साउन मसान्तमा रू. २० दशमलव ४८ पुगेको छ । असार मसान्तको तुलनामा साउन मसान्तसम्म योजनाको एनएभी १ रुपैयाँ २७ पैसाले वृद्धि भएको हो । असार मसान्तमा योजनाको एनएभी रू. १९ दशमलव २१ थियो ।
त्यसैगरी, यस योजनाको नाफामा कमी आएको छ । असार मसान्तसम्ममा यस योजनाले रू. ७६ करोड ८१ लाख २८ हजार नाफा कमाएकोमा साउन मसान्तमा घटेर रू. १५ करोड ५१ लाख ६४ हजारमा सीमित भएको हो । यस योजनाले सूचीकृत तथा सूचीकृत नभएका शेयर डिबेञ्चर तथा मुद्दति निक्षेपमा गरेको लगानीको लागतमूल्य रू. ६७ करोड ८८ लाख ८४ हजार रहेकोमा यसको बजार मूल्य रू. १ अर्ब १५ करोड २५ लाख २६ हजार पुगेको हो ।
त्यसैगरी, सनराइज ब्लूचिप फण्डले असार मसान्तसम्ममा रू. ६८ लाख ९३ हजार नाफा कमाएकोमा साउन मसान्तमा वृद्धि भएर रू. ५ करोड ६१ लाख ३४ हजार पुगेको हो । यस योजनाले साउन मसान्तसम्ममा सूचीकृत तथा सूचीकृत नभएका शेयर तथा डिबेञ्चर तथा मुद्दति निक्षेपमा गरेको लगानीको लागत मूल्य रू. ५४ करोड ३९ लाख ४२ हजार रहेकोमा यसको बजार मूल्य रू. ७० करोड ८४ लाख २३ हजार पुगेको छ ।