रुसी सेनामा भर्ना भएका अभिषेक बुढामगर दुई महिनादेखि सम्पर्कविहीन हुनुभएको छ । रोल्पा त्रिवेणी गाउँपालिका–२, नुवागाउँ निवासी (हाल घोराही) मा बस्दै आउनुभएका बुढामगर दुई महिनादेखि सम्पर्कविहीन हुनुभएको हो । उहाँ गएको भदौ २४ गते रुसी सेनामा भर्नाका लागि काठमाडौँबाट जानुभएको थियो । रुस पुगेर पहिलो र दोस्रो क्याम्पको तालिम गर्दासम्म परिवारको सम्पर्कमा रहे पनि तेस्रो क्याम्पमा गएदेखि सम्पर्कविहीन हुनुभएको अभिषेककी श्रीमती सविता बुढाले बताउनुभयो ।
