शेरबहादुर देउवालाई प्रधानमन्त्री र राष्ट्रपति पद कुनै हालतमा नछोड्न परेको चौतर्फी दबाब कायमै रहेको अवस्थामा 'सत्तारुढ गठबन्धन' फुटको डिलमा शनिबार नै पुगेको थियो । शनिबारको बैठकमा कांग्रेसलाई प्रधानमन्त्री र राष्ट्रपति दुवै नै चाहिने भन्ने देउवाको अडान र जसरी पनि पहिलो चरणमा प्रधानमन्त्री बन्नैपर्ने माओवादी केन्द्रका अध्यक्ष पुष्पकमल दाहालको चाहना देखाएर छुटेका दुवै नेताहरू आइतबार १० बजे बालुवाटारमा जम्मा भएका थिए ।
