काठमाडौं। नेपाली कांग्रेसको रामचन्द्र पौडेल पक्षको बैठक शुरु भएको छ। नेता प्रकाशमान सिंहको निवास चाक्सीवारीमा दिउँसो २ बजेदेखि बैठक बसिरहेको हो। बैठकमा क्रियाशील सदस्यता विवाद,आगामी महाधिवेशन र सरकारका विषयमा छलफल भइरहेको नेता अर्जुननरसिंह केसीले बताए। कांग्रेसमा क्रियाशील सदस्यताको विवादका कारण आगामी भदौमा तय भएको १४ औं महाधिवेशनको पूर्वनिर्धारित कार्यतालिका प्रभावित भएको छ। यसपटक महाधिवेशन गर्नैपर्ने संवैधानिक बाध्यतामा कांग्रेस रहेको छ।
