काठमाडौं। जनता समाजवादी पार्टीका शीर्ष नेताहरूबीच अनौपचारिक छलफल भएको छ। आज बालकुमारीस्थित पार्टी कार्यालयमा पछिल्लो राजनीतिक अवस्था र कार्यकारिणी बैठक बस्नेबारे छलफल भएको जसपा नेता डा. सुरेन्द्र झाले बताए। उनले भने, "बैठक चाहिँ होइन। बैठक कहिले बोलाउने भन्ने विषयमा छलफल भयो।" बैठकमा महन्थ ठाकुर, उपेन्द्र यादव, बाबुराम भट्टराई, राजेन्द्र महतो, अशोक राई र राजेन्द्र श्रेष्ठलगायतका नेता सहभागी थिए।
