प्राकृतिक स्रोत साधनको ‘कुशल’ व्यवस्थापन गरेर प्रदेशको विकास र समृद्धिको लक्ष्य हासिल गर्ने लुम्बिनी प्रदेश सरकारले नीति लिएको छ । प्रदेश सरकारले मंगलबार प्रस्तुत गरेको बजेटमा वन, चुनढुंगालगायत खनिजले भरिएका पहाड र नदीनालालाई राजस्व आम्दानीका मुख्य स्रोतका रूपमा उल्लेख गरेको छ । प्रकृति प्रदत्त स्रोतसाधनको कुशल व्यवस्थापनबाट मात्र दिगो विकासको लक्ष्य हासिल गर्न सकिने उल्लेख गरिएको छ ।
