दाङ : उमेरले तीन बीस पार गरेका बबई गाउँपालिका ५ सिमगैराका रिमबहादुर खड्का अचेल विद्यालय जान थालेका छन्। उनी पढाउन नभई पढ्न विद्यालय जान थालेका हुन्।बिहान नै उठेर घरको काम सकी उनी ९ बजे विद्यालय जानको लागि तयारी हुन्छन्। घरबाट १० मिनेटमा पुगिने विद्यालयमा उनी नाति–नातिना उमेरका विद्यार्थीसँग कक्षा ५ मा पढ्छन्। यही असार १४ गते विद्यालयमा भर्ना भएका रिमबहादुरलाई सानै उमेरमा पढ्ने रहर धेरै थियो। तर आर्थिक अवस्थाका कारण उनी कहिल्यै विद्यालय जान पाएनन्। अहिले उमेरले प
