पुस २, लन्डन । बेलायतले अष्ट्रेलियासँग व्यापार सम्झौतामा हस्ताक्षर गरेको छ ।
सम्झौतापछि लन्डन र क्यानबेरा बीचको ब्रेक्जिट पछिको आर्थिक सम्बन्धलाई आकार दिने बेलायतको अन्तरराष्ट्रिय व्यापार विभागले बताएको छ ।
यूरोपियन यूनियन छाडेपछिको हाम्रो पहिलो, डिजिटल र सेवाहरूमा नयाँ विश्वव्यापी मापदण्डहरू तयार गर्ने र बेलायत र अस्ट्रेलियाका लागि नयाँ काम र यात्रा अवसरहरू सृजना गर्ने यसको उद्देश्य भएको विभागले विज्ञप्तिमार्फत भनेको छ ।
जुन महीनामा दुई देशका प्रधानमन्त्री बीच सम्झौताका लागि सहमति भएको थियो र दस्तावेजका सबै अध्यायलाई अन्तिम रूप दिइसकेको छ। अन्तरराष्ट्रिय व्यापार सचिव एनी मारी ट्रेभल्यानले बिहीवार राति भर्चुअल समारोहमा अन्तिम सम्झौतामा हस्ताक्षर गरेर अब संसद्मा प्रस्तुत गरिने उल्लेख गरेका छन् ।
बेलायतले २०२० मा यूरोपेली संघबाट बाहिरिने प्रक्रिया पूरा गरी अब अन्य देशहरूसँगको व्यापारिक सम्बन्धलाई नयाँ आकार दिइरहेको छ। नयाँ सम्झौताले बेलायत अष्ट्रेलियाको व्यापारलाई करीब १० दशमलव ४ बिलियन पाउण्डले वृद्धि गर्ने र बेलायतको निर्यातमा लाग्ने शुल्कलाई पूर्ण रूपमा हटाउने अपेक्षा गरिएको छ। रासस/ एएनआई
