काठमाडौं। एभरेष्ट बैंक लिमिटेडको अध्यक्षमा डा. बालगोपाल वैद्य नियुक्त भएका छन् । समितिका सदस्य रहेका वैद्यलाई बिहीवार सम्पन्न सञ्चालक समितिको ३६०औं बैठकले अध्यक्षमा नियुक्त गरको हो । अध्यक्ष वैद्यले शुक्रवार नेपाल राष्ट्र बैंकका गभर्नर महाप्रसाद अधिकारी समक्ष पद तथा गोपनीयताको शपथ लिएका हुन् । विगत २० वर्षदेखि बैंकको सञ्चालक समिति सदस्य रहँदै आएका वैद्य अर्थ विज्ञका रूपमा समेत परिचित छन् ।
राष्ट्रिय योजना आयोगका पूर्व सदस्य रहिसकेका वैद्यले फिलिपिन्सबाट अर्थशास्त्र विषयमा विद्यावारिधि गरेका छन् । साथै, उनी बोर्ड अफ ट्रष्टी र गरीबी निवारण कोषको सदस्य समेत रहिसकेका छन् ।
