प्रमोटरले ठूलो मात्रमा शेयर बेचेपछि शिवम् सिमेन्टको रिपोर्ट सार्वजनिक, ५१ प्रतिशत नाफा घट्यो

आर्थिक वर्ष ७८/७९ मा शिवम् सिमेन्टको खुद नाफा ५१.२० प्रतिशतले घटेको छ । आर्थिक वर्ष ७७/७८ मा कम्पनीले १ अर्ब ४१ करोड खुद नाफा कमाएकोमा आर्थिक वर्ष ७८/७९ मा कम्पनीको खुद नाफा घटेर ६८ करोड ९३ लाखमा सिमित भएको छ ।कम्पनीको सिमेन्ट बिक्रि वापतको आम्दानी ३.६९ प्रतिशतले घटेर ९ अर्ब २६ करोडमा झरेको छ । कम्पनीले प्रकाशन गरेको वित्तीय विवरण अनुसार कम्पनीले विभिन्न कम्पनीहरुमा ४ अर्ब १६ करोड लगानी गरेको छ । कम्पनीको चुक्ता पुंजी ४ अर्ब ४० करोड रहेको छ भने ३ अर्ब ८३ करोड जगेडा कोषमा रहेको छ । कम्पनीसंग ९५ करोड ६२ लाख बराबरको शेयर प्रिमियम वापतको रकम रहेको छ। कम्पनीको प्रति शेयर आम्दानी १५ रुपैयाँ ६७ पैसा रहेको छ भने प्रति शेयर नेटवर्थ २०९.८२ रुपैयाँ रहेको छ । केहि दिन अगाडी बिजपाटीले शिवम् सिमेन्टका प्रमोटरले धमाधम शेयर बिक्रि गरेर बाहिरिदै गरेको समाचार प्रकाशन गरेको थियो । कम्पनीको रिपोर्ट खराब आउने भएपछि नाफा बुक गर्न प्रमोटरहरुले ठूलो मात्रामा शेयर बिक्रि गरेका थिए । प्रमोटरहरुले शेयर बिक्रि गरेर बहिरिंदा यसले बजारलाई नै प्रभावित पारेको समाचार बिजपाटीले प्रकाशन गरेको थियो ।यो पनि : शिवम् सिमेन्टका प्रमोटरले शेयर बेचेर बाहिरिंदा बजार नै प्रभावित, ७० लाख कित्ताको सप्लाई आउँदै

पूर्ण विवरण

सम्बन्धित सामग्री

शिवम् सिमेन्टको नाफा गत वर्ष ५६ प्रतिशतभन्दा बढीले घट्यो

काठमाडौं । गत आर्थिक वर्षको चौथो त्रैमाससम्म शिवम् सिमेन्ट लिमिटेको खुद नाफा अघिल्लो आर्थिक वर्षको चौथो त्रैमाससम्मको तुलनामा गत वर्ष सोही अवधिमा घटेको छ । अघिल्लो वर्ष ६९ करोड ७ लाख रूपैयाँभन्दा बढी रहेको खुद नाफा गत वर्ष ३० करोड २४ लाख रूपैयाँभन्दा बढी मात्र भएको हो । गत वर्ष कम्पनीको सञ्चालनबाट आम्दानी घटेसँगै खुद नाफा घट्न पुगेको हो । अघिल्लो वर्ष ९ अर्ब २६ करोड रूपैयाँभन्दा बढी रहेको सञ्चालनबाट आम्दानी गत वर्ष ७ अर्ब ७५ करोड रूपैयाँभन्दा बढी मात्र भएको हो । अन्य आम्दानी समेत अघिल्लो वर्षभन्दा गत वर्ष ६८ दशमलव ६६ प्रतिशत कम ३६ करोड ३५ लाख रूपैयाँभन्दा बढी भएको छ । हाल कम्पनीको चुक्तापूँजी ४ अर्ब ४० करोड रूपैयाँ रहेको छ । जगेडा कोष रकम अघिल्लो वर्षभन्दा ३ दशमलव ३० प्रतिशत कम ४ अर्ब ६७ करोड रूपैयाँभन्दा बढी कायम भएको छ । वार्षिक प्रतिशेयर आम्दानी ६ रूपैयाँ ८७ पैसा रहेको कम्पनीको प्रतिशेयर नेटवर्थ २०६ रूपैयाँ २३ पैसा छ ।

Aarthik Abhiyan आषाढ २०८०

शिवम् सिमेन्टको खुद नाफा यो वर्ष करीब ४०% घट्यो

वैशाख २८, काठमाडौं । चालू आर्थिक वर्षको तेस्रो त्रैमाससम्म शिवम् सिमेन्टले रू. ६५ करोड ४८ लाखभन्दा बढी खुद नाफा गरेको छ । गत वर्षको तुलनामा यस वर्ष कम्पनीको खुद नाफा ३९ दशमलव ९३ प्रतिशत कम भएको हो । गत वर्ष यस अवधिसम्म कम्पनीले रू. १ अर्ब ९ करोडभन्दा बढी खुद नाफा गरेको थियो । यस वर्ष कम्पनीको कुल आम्दानी घटेको र कुल खर्च बढेकाले खुद नाफामा असर परेको हो । गत वर्ष रू. ७ अर्ब ३९ करोडभन्दा बढी कुल आम्दानी गरेको कम्पनीले यस वर्ष रू. ७ अर्ब २९ करोडभन्दा बढी मात्र कुल आम्दानी गरेको हो । कुल खर्च भने गत वर्ष रू. ६ अर्ब ९ करोडभन्दा बढी रहेकोमा यस वर्ष रू. ६ अर्ब ५१ करोडभन्दा बढी भएको छ । हाल कम्पनीको चुक्तापूँजी रू. ४ अर्ब ४० करोड रहेको छ । शेयर प्रिमियम रकम रू. ९५ करोड ६२ लाखभन्दा बढी रहेको कम्पनीको अन्य सम्पत्तिमा रू. ३ अर्ब ८२ करोड ९२ लाखभन्दा बढी रहेको छ । वार्षिक प्रतिशेयर आम्दानी रू. १९ दशमलव ८४ रहेको कम्पनीको प्रतिशेयर नेटवर्थ रू. २०८ दशमलव ७६ रहेको छ । स्रोतः कम्पनीको तेस्रो त्रैमाससम्मको वित्तीय विवरण

Aarthik Abhiyan चैत्र २०७८