महिला विश्वकप फुटबलमा अमेरिकी प्रभुत्व समाप्त भइसकेको छ । दुईपल्टको जर्मनी पनि प्रतियोगिताबाट बाहिरिसकेको छ । ओलम्पिक च्याम्पियन क्यानडा घर फर्किसकेको छ । मार्टा र उनको ब्राजिलको चुनौती पनि सकिसकेको छ । नत्र सर्वकालीन महान् महिला खेलाडी मार्टासामु लगातार ६ विश्वकपमा गोल गर्ने अवसर थियो । हो, विश्व महिला फुटबलका लगभग सबै ठूला नाम यसपल्टको विश्वकपमा माथ खाइसकेका छन् ।
