वाग्मती प्रदेशका नवनियुक्त मन्त्री तथा राज्यमन्त्रीको शपथग्रहण समारोहमा सञ्चारकर्मीलाई प्रवेशमा रोक लगाइएको छ । मंगलबार मुख्यमन्त्री राजेन्द्र पाण्डेले तेस्रो पटक मन्त्रिपरिषद् विस्तार गरेको र शपथ ग्रहण समारोहको समाचार संकलन गर्न प्रदेश प्रमुखको कार्यालयमा पुगेका सञ्चारकर्मीलाई नेपाली सेनाले ‘माथिको आदेश’भन्दै गेटमै रोकेको हो । सेनाले सरकारी मिडियाका सञ्चारकर्मीलाई मात्र प्रवेश गराएका थिए ।
