महासंघको सदस्यमा सुनिल केसी निर्विरोध चयन

काठमाडौं । नेपाल–भारत उद्योग वाणिज्य संघका उपाध्यक्ष सुनिल केसी नेपाल उद्योग वाणिज्य महासंघको कार्यसमिति सदस्य पदमा निर्विरोध चयन भएका छन् । महासंघमा आबद्ध द्विराष्ट्रिय उद्योग वाणिज्य संघहरू मध्येबाट महासंघको कार्यसमितिमा एकजनाले प्रतिनिधित्व गर्न पाउने व्यवस्था भए बमोजिम उक्त पदमा केसी निर्विरोध चयन भएका हुन् । उनलाई द्विराष्ट्रिय उद्योग वाणिज्य संघहरूको समूह ‘अलायन्स अफ बाई नेशनल चेम्बर्स’को समूहले सर्वसम्मत रूपमा प्रतिनिधि चयन गरेको थियो ।