अख्तियार दुरुपयोग अनुसन्धान आयोगले यातायात व्यवस्था कार्यालय कर्णाली प्रदेश सुर्खेतमा कार्यरत मेकानिकल इन्जिनियर दीपक बमलाई घुस रकमसहित पक्राउ गरेको छ । शुक्रबार आयोगको टोलीले इन्जिनियर बमलाई सेवाग्राहीबाट रु ३ हजार घुस वापतको रकम लिइसकेको अवस्थामा रकमसहित पक्राउ गरेको हो ।बमसँगै बिचौलिया नीरकबहादुर शाहीलाई पनि पक्राउ गरिएको आयोगले जनाएको छ । पक्राउ परेका दुबै जनामाथि अनुसन्धान भैरहेको आयोगले जनाएको छ ।
