अन्तरराष्ट्रिय विमानस्थल : काठमाडौँमा चाप, भैरहवामा यात्रु नहुँदा उडान बन्द

हवाई यात्रु संख्यामा वृद्धि

काठमाडौं । सन् २०२३ मा आन्तरिक र अन्तरराष्ट्रिय गन्तव्यमा उडान गर्ने यात्रुको संख्यामा वृद्धि देखिएको छ । सन् २०२२ को तुलनामा सन् २०२३ मा आन्तरिकतर्फ उडान गर्ने यात्रुको संख्यामा ३७ दशमलव ४८ प्रतिशत र अन्तरराष्ट्रियतर्फ ४१ दशमलव शून्य ४ प्रतिशतले वृद्धि भएको छ । सन् २०२३ को नोभेम्बरसम्ममा अर्थात् ११ महीनामा ७७ लाख ९४ हजार २१७ यात्रुले आन्तरिक उडान गरेका छन् । यही अवधिमा अन्तरराष्ट्रियतर्फ ४१ लाख ५४ हजार ३९३ यात्रुले उडान गरेका छन् । कोरोना महामारीअघिको वर्ष सन् २०१९ मा अन्तरराष्ट्रियतर्फ ४१ लाख ३८ हजार ४८२ यात्रुले उडान गरेका थिए । प्राधिकरणको तथ्यांकअनुसार नेपालबाट अन्तरराष्ट्रिय वायुसेवा कम्पनीले विभिन्न १६ देशका ३३ ओटा अन्तरराष्ट्रिय गन्तव्यमा नियमित उडान गर्दै आएका छन् । त्रिभुवन अन्तरराष्ट्रिय विमानस्थल, गौतमबुद्ध, पोखरा अन्तरराष्ट्रिय विमानस्थलमार्फत आवागमन गर्ने यात्रुको संख्या बढेको हो । यसैगरी आन्तरिकतर्फ २१ ओटा वायुसेवा कम्पनीले सञ्चालन अनुमति प्राप्त गरे पनि १९ ओटा कम्पनीले नियमित उडान गर्दै आएका छन् । यस्तै कुल ५५ ओटा विमानस्थलमध्ये ३५ ओटा विमानस्थल सञ्चालनमा छन् । सन् २०१९ देखि २०२१ सम्म भने कोरोना भाइरसका कारण सुस्त भएको उड्डयन क्षेत्र सन् २०२२ देखि लयमा फर्किन थालेको देखिएको छ ।

Aarthik Abhiyan मंसिर २०८०

अध्यागमनको सर्भर डाउन, अन्तरराष्ट्रिय उडान प्रभावित

काठमाडौं । त्रिभुवन अन्तरराष्ट्रिय विमानस्थल, अध्यागमन कार्यालयको सर्भर डाउन हुँदा अन्तरराष्ट्रिय हवाई उडान प्रभावित भएको छ । अध्यागमनको ‘सिस्टम डाउन’ हुँदा दिउँसो करिब साढे ३ बजेदेखि अन्तरराष्ट्रिय उडान प्रभावित भएको विमानस्थल कार्यालयले जनाएको छ । अध्यागमन विभाग त्रिभुवन अन्तरराष्ट्रिय विमानस्थलका प्रमुख अध्यागमन अधिकृत रामबन्धु सेडाइँका अनुसार सर्भर डाउन भए पनि ‘मेनुअल’ रूपमा अन्तरराष्ट्रिय यात्रु व्यवस्थापन भइरहेको छ । अहिले सर्भर मर्मतको काम पनि भइरहेको छ । ‘अध्यागनको सर्भर डाउन भएकाले मेनुअलरूपमा यात्रु व्यवस्थापन गरी सेवालाई निरन्तरता दिइएको छ,’ प्रमुख सेडाइँले भने । विमानस्थल कार्यालयले पनि अध्यागमनको सर्भर डाउनले अन्तरराष्ट्रिय उडान सामान्य प्रभावित भएको र मेनुअलरूपमा उडान सेवालाई निरन्तरता दिइएको जनाएको छ । रासस

Aarthik Abhiyan आषाढ २०८०

गौतमबुद्ध विमानस्थलमा व्यावसायिक उडान चुनौतीपूर्ण : पर्यटनमन्त्री किराती

लुम्बिनी । गौतमबुद्ध अन्तरराष्ट्रिय विमानस्थल सञ्चालनमा आएको १३ महीनापछि नेपाल वायुसेवा निगमले व्यावसायिक उडान शुरु गरेको छ । आज बिहान ९ः४५ बजे निगमको एक सय ५८ सिट क्षमताको न्यारोबडी जहाज मलेसियाको राजधानी क्वालालम्पुरबाट भैरहवास्थित गौतमबुद्ध अन्तरराष्ट्रिय विमानस्थलमा अवतरण भएको हो । मलेसियाबाट ९० यात्रु बोकेर आएको राष्ट्रिय ध्वजावाहक जहाज भैरहवास्थित विमानस्थलमा ३१ जना यात्रु ओरालेर काठमाडौंका लागि उडान भरेको नेपाल वायु सेवा निगमका सहप्रवक्ता गणेशकुमार घिमिरेले जानकारी दिए । मलेसियामा रोजगारी गरी फर्केका र मलेसियाका पर्यटन व्यवसायीहरू भैरहवा विमानस्थलमा ओर्लिएको सहप्रवक्ता घिमिरेको भनाइ छ । भैरहवास्थित यस विमानस्थलमा नेपाल वायुसेवा निगमको पहिलो व्यावसायिक अन्तरराष्ट्रिय उडान भएकाले यात्रुहरूलाई संस्कृति पर्यटन तथा नागरिक उड्डयनमन्त्री सुदन किराती र राज्यमन्त्री सुशीला शिर्पालीले विमानस्थलमा स्वागत गरे । राष्ट्रिय ध्वजावाहक नेपाल एयरलाइनसको गौतमबुद्ध विमानस्थलमा व्यावसायिक उडानको शुभारम्भ गर्दै पर्यटनमन्त्री सुदन किरातीले यसको निरन्तरता चुनौतीपूर्ण भएको बताए । उनले प्रधानमन्त्री पुष्पकमल दाहाल ‘प्रचण्ड’को विशेष निर्देशनमा व्यावसायिक उडान शुरु भएकाले यसको नियमितताका लागि सरकारी तथा निजी क्षेत्र सबै लाग्नुपर्ने बताए । उनले नेपाल एयरलाइन्सलाई आगामी दिनमा स्थायित्व, प्रभावकारी सञ्चालन र बजारीकरणका लागि प्रचारप्रसारमा जोड दिन निर्देशन दिए । ‘बुद्व सर्किटकै बजारीकरणका लागि यो विमानस्थल निर्माण भएको हो । भैरहवाबाट पनि जहाज उडान सकिन्छ भन्ने विश्वास दिलाउनुपर्छ,’ उनले भने, ‘यस विमानस्थलबाट दिल्लीलगायत अन्य गन्तव्यमा पनि उडान गर्ने प्रयास जारी छ ।’ मन्त्री किरातीले निगमलाई पूर्ण व्यावसायिकरूपमा सञ्चालन गर्न र दुर्गमका जनतालाई समेत सेवा प्रदान गर्न नयाँ जहाज किन्नुपर्ने आवश्यकता रहेको बताए । उनले सरकारले निगमका लागि पारदर्शी ढङ्गले जहाज किन्ने प्रक्रियामा रहेको बताए । उनले दुर्गम क्षेत्रमा सेवा दिनका लािग घाटा भए पनि जहाज किन्नुपर्नेमा जोड दिए । मन्त्री किरातीले प्रधानमन्त्री दाहालको हालै सम्पन्न भारत भ्रमण इतिहासमा कोशेढुङ्गा साबित भएको बताउँदै यस्तो ऐेतिहासिक सफलतालाई ओझेलमा पार्ने प्रयास भएको बताए । संस्कृति, पर्यटन तथा नागरिक उड्ययन राज्यमन्त्री सुशीला सिर्पालीले लुम्बिनी प्रदेशको पहिचान, धरोहर, बुद्वलाई अन्तरराष्ट्रियकरण गर्ने उद्देश्यले विमानस्थल निर्माण भएकाले यसको नियमित व्यावसायिक सञ्चालनमा सरकारको जोड रहेको बताए । उनले विमानस्थत नियमित सञ्चालन नहुँदा धेरै तर्फबाट प्रश्न उठेको बताउँदै सञ्चालन निरन्तरता हुन नसक्नुमा राजनीतिक अस्थिरतापनि मुख्य रहेको बताए । कार्यक्रममा पूर्वमन्त्री तथा रुपन्देही क्षेत्र नं ३ का सङ्घीय सांसद दीपक बोहोराले राष्ट्रिय ध्वजावाहक जहाजले व्यावसायिक उडान शुरु गर्दा गौतमबुद्ध विमानस्थलको प्रभावकारी सञ्चालन हुनेमा आशा पलाएको बताए । उनले त्रिभुवन विमानस्थलबाट हुने हरेक अन्तरराष्ट्रिय उडान गर्ने कम्पनीलाई एक–एक उडान भैरहवाबाट गर्नुपर्ने नीति बनाउन सरकारलाई सुझाव दिए । मन्त्रालयका सचिव सुरेश अधिकारीले मलेसिया उडानको शुरुआत हुनु महत्त्वपूर्ण उपलब्धि रहेको बताए । उनले महेन्द्रनगर नाकाबाट अवतरण गर्ने प्रक्रियाका लागि सरकारका तर्फबाट प्रयास भइरहेको बताउँदै अन्य विमान सेवा कम्पनीलाई यस विमानस्थलबाट उपलब्ध हुने सेवा र रूटसँग सम्बन्धित विषयमा आश्वस्त पार्नुपर्ने बताए । सचिव अधिकारीले भैरहवा क्षेत्रका पर्यटन व्यवसायीको मागबमोजिम आगामी आर्थिक वर्षदेखि भैरहवामा पर्यटन बोर्डको शाखा स्थापना गरी सेवा सञ्चालन हुने जानकारी दिए । निगमका कार्यकारी अध्यक्ष युवराज अधिकारीले निगममा जहाज थपिएपछि व्यावसायिकरूपले नियमित उडान गर्न सकिने बताए । उनले लुम्बिनीबाट बुद्ध धर्मावलम्बी भएका मुलुकलाई जोडन भैरहवाको उडानलाई नियमित गर्नु आवश्यकता रहेको बताए । नेपाल उद्योग वाणिज्य महासङ्घका लुम्बिनी प्रदेश संयोजक कृष्णप्रसाद शर्माले गौतमबुद्ध अन्तरराष्ट्रिय विमानस्थलको प्रभावकारी सञ्चालन हुन नसक्दा निजी क्षेत्र विस्थापित हुने अवस्थामा पुगेको गुनासो गरे । विमानस्थल निर्माण गर्दा सरकारले रु ४० अर्ब र विमानस्थललाई हेरेर निजी क्षेत्रले रु ८० अर्बभन्दा बढी लगानी गरेको उनको भनाइ छ । विसं २०७९ जेठमा तत्कालीन प्रधानमन्त्री शेरबहादुर देउवाले विमानस्थल उद्घाटन गरेका थिए । तत्कालीन समयमा निगमका न्यारोबडी र वाइडबडी विमानले परीक्षण उडान गरे पनि व्यावसायिक उडान भने कुबेतको अल जजिरा एयरलायन्सले गरेको छ । जजिरापछि हिमालय एयरलायन्सले कात्तिकमा मलेसियाको चार्टर उडान गरे पनि हाल यी दुवै कम्पनीका जहाजले नियमित तथा चार्टर उडानलाई निरन्तरता दिन सकेका छैनन् । रासस

Aarthik Abhiyan बैशाख २०८०

गौतमबुद्ध विमानस्थल : अन्तरराष्ट्रिय उडान बन्द हुँदा किस्ता तिर्न समस्या

काठमाडौं । बुद्ध जयन्तीको अवसर पारेर जेठ २ गतेदेखि सञ्चालनमा आएको गौतमबुद्ध अन्तरराष्ट्रिय विमानस्थल (जीबीआईए)मा अहिले अन्तरराष्ट्रिय उडान बन्द छ । भैरहवास्थित उक्त विमानस्थलबाट अन्तरराष्ट्रिय उडान गर्दै आएका हिमालय एयरलाइन्स र जजिरा एयरलाइन्सले १ महीनादेखि उडान बन्द गरेका छन् । ७ महीना सञ्चालन भएको यो विमानस्थलबाट मङ्सिर २९ गतेबाट हिमालय र पुस ६ गतेबाट जजिराले उडान बन्द गरेका हुन् । त्यसयता उक्त विमानस्थलमा अन्तरराष्ट्रिय उडान हुन नसकेको गौतमबुद्ध विमानस्थल कार्यालयका महाप्रबन्धक गोविन्दप्रसाद दाहालले जानकारी दिए । ‘आन्तरिक उडानबाट वार्षिक ३५ करोड रुपैयाँसम्म आम्दानी हुन्छ,’ दाहालले भने, ‘यसले सामान्य खर्च व्यवस्थापन भए पनि विदेशी ऋणको साँवा/ब्याज तिर्न गाह्रो हुने देखिन्छ ।’ उनका अनुसार अहिले साँवा र ब्याज गरेर वार्षिक ४० करोड रुपैयाँ किस्ता तिर्नुपर्छ । ऋण संरचनाअनुसार यो विमानस्थलमा लिइएको ऋणको साँवाब्याज ६/६ महीनामा भुक्तानी गर्नुपर्छ, जसअनुसार यो विमानस्थलले अन्तरराष्ट्रिय उडानबाट मात्रै आम्दानी गरेर मासिक ३ करोड ३३ लाख रुपैयाँ भुक्तानी गर्नु पर्ने देखिन्छ । विमानस्थल सञ्चालनमा आएको पहिलो वर्ष दैनिक एउटा अन्तरराष्ट्रिय उडान हुने प्रक्षेपण गरिएको उनको भनाइ छ । यो विमानस्थलमा एशियाली विकास बैंक (एडीबी), ओपेक फन्ड फर इन्टरनेशनल डेभलपमेन्ट (ओएफएफआईडी)सहितका विकास साझेदार संस्थाको लगानी छ । तराईका विमानस्थलमा हिउँदको समयमा मौसम प्रतिकूल हुँदा बिहानपखको उडानमा ढिलाइ हुने समस्या पुरानै भए पनि यो विमानस्थलमा मौसमकै कारण उडान/अवतरणमा समस्या नहुने अर्थात् कम भिजिबिलिटीमा पनि अवतरण गर्न सक्ने प्रविधि जडान गरिएको छ । कम भिजिबिलिटी (८०० देखि ९०० मीटर)मा पनि जहाज अवतरण हुन सक्ने आईएलएफ (इन्स्ट्रुमेन्ट ल्यान्डिङ सिस्टम) प्रविधि जडान भए पनि सुचारु हुन भने सकेको छैन । विमानस्थल सञ्चालनमा आएको ७ महीना र अहिले बन्द भएको १ महीना गरी ८ महीना हुँदासम्म भारतले आईएलएफ सुचारु गर्ने अनुमति नदिएको दाहालको भनाइ छ । त्रिभुवन अन्तरराष्ट्रिय विमानस्थल कार्यालयका प्रवक्ता टेकनाथ सिटौलाका अनुसार मुलुकका विमानस्थलहरूमा जहाज अवतरण हुनका लागि भिजिबिलिटी १६ सय मीटर र २ हजार मीटरसम्म हुनुपर्छ । २ खाले इन्जिन भएका जहाज अवतरणका लागि छुट्टाछुट्टै भिजिबिलिटी हुनुपर्छ । जेट इन्जिन भएका विमानका लागि भिजिबिलिटी २ हजार मीटर आवश्यक हुन्छ । प्रोपेलर इन्जिन भएका विमानका लागि भने १६ सय मीटर भिजिबिलिटी चाहिन्छ । दाहालका अनुसार मौसम प्रतिकूलता र यात्रु कम हुँदा विमानस्थलमा अन्तरराष्ट्रिय उडान हुन नसकेको हो । गौतमबुद्धबाट मलेशियाको क्वालालम्पुरसम्म चार्टर्ड उडान गर्दै आएको हिमालय एयरलाइन्सका उपाध्यक्ष विजय श्रेष्ठले भने यात्रु नै नहुँदा अन्तरराष्ट्रिय उडान बन्द गरिएको बताए । यात्रु पर्याप्त भएमा उडानमा समस्या नभएको उनको भनाइ छ । विमानस्थल सञ्चालनमा आएसँगै श्रम कार्यालय, वैदेशिक रोजगार विभाग, स्वास्थ्य जाँचजस्ता एकाइहरू पूर्णरूपमा सञ्चालन नहुँदा यात्रुहरू काठमाडौं गएर पुनः गौतमबुद्धमा आउनुपर्ने बाध्यता रहेको दाहालको भनाइ छ । ‘मुख्य समस्या अहिले भिसा सेन्टर, मेनपावर, स्वास्थ्य परीक्षणको हो,’ दाहालले भने, ‘यो आन्तरिक समस्या भयो, अर्को प्रमुख पक्ष भनेको हवाई रूटकै हो ।’ सीधा हवाई रूट उपलब्ध नहुँदा सिमरा पुगेर गौतमबुद्ध विमानस्थलमा जहाज आउँदा काठमाडौंको त्रिभुवन अन्तरराष्ट्रिय विमानस्थलभन्दा १५ मिनेट टाढा पर्छ ।’ यसैगरी भारतीय नागरिकहरूले सीधा यो विमानस्थलमा आएर अहिले पनि उडान गर्न पाउँदैनन् । भारत सरकारले आफ्ना नागरिकलाई यो विमानस्थलबाट अन्य विदेशी गन्तव्यमा जानका लागि चाहिने अनुमति नो अब्जेक्शन सर्टिफिकेट (एनओसी) दिएको छैन, जसले गर्दा भारतीय यात्रु यो विमानस्थलबाट उडान गर्न नमिल्ने उनको भनाइ छ । पश्चिम नेपालबाट विदेश यात्रा गर्ने तथा वैदेशिक रोजगारीका लागि जाने यात्रु पनि यहाँबाट बाहिर नजाँदा र सीमावर्ती क्षेत्रका भारतीय यात्रुले यो विमानस्थल प्रयोग गर्न नमिलेपछि यात्रु संख्या कम भएको उल्लेख गरिएको छ । उक्त विमानस्थलबाट अन्तरराष्ट्रिय उडान भएयता नोभेम्बर अर्थात् मध्य मङ्सिरसम्ममा २५ हजार ४८१ जना यात्रुले सेवा लिएका थिए । नेपाल नागरिक उड्डयन प्राधिकरणले उपलब्ध गराएको तथ्यांकअनुसार २ सय १९ पटक जहाज उडान/अवतरण (फ्लाइट मुभमेन्ट) हुँदा ती यात्रुले सेवा लिएका हुन् । प्राधिकरणका प्रवक्ता जगन्नाथ निरौलाले पनि गौतमबुद्ध अन्तरराष्ट्रिय विमानस्थल तराईमा पर्ने र मौसम खराबीकै कारण उडान बन्द भएको बताए । यद्यपि फेब्रुअरी २ देखि जजिराले उडान सञ्चालन गर्ने उनको भनाइ छ । यस्तै मार्च सकिएपछि ‘समर सेड्युल’ लागू हुने भन्दै उनले यो सेड्युलमा नेपाल वायुसेवा निगमसहित हिमालय, कतार एयरवेज, फ्लाई दुबईले उडान गर्ने विश्वास व्यक्त गरे ।

Aarthik Abhiyan पौष २०७९

गौतम बुद्ध अन्तरराष्ट्रिय विमानस्थल : दशैंसम्ममा दैनिक १० उडानको लक्ष्य

काठमाडौं । नेपालको दोस्रो अन्तरराष्ट्रिय विमानस्थल गौतम बुद्धबाट आउँदो दशैंसम्ममा दैनिक १० ओटा उडान गर्ने लक्ष्य राखिएको छ । जेठ २ गते व्यावसायिक उडानको उद्घाटन गर्ने तयारी रहेको यो विमानस्थलमा विभिन्न अन्तरराष्ट्रिय वायुसेवा कम्पनीका अधिकारीले चासो देखाएसँगै गौतम बुद्ध अन्तरराष्ट्रिय विमानस्थल आयोजनाले यस्तो लक्ष्य अघि सारेको हो । आयोजनाका महाप्रबन्धक गोविन्दप्रसाद दाहालले विभिन्न अन्तरराष्ट्रिय वायुसेवा कम्पनीका प्रतिनिधिसँग भैरहवास्थित विमानस्थल कार्यालयमा छलफल भएको जानकारी दिए । उनीहरूले देखाएको सक्रियता र चासोले गर्दा दशैंअघि नै यो विमानस्थलबाट दैनिक १० उडान गर्ने लक्ष्य राखिएको उनले बताए । यो विमानस्थलमा पहिलो अन्तरराष्ट्रिय उडानका लागि कुवेतको वायुसेवा कम्पनी जजिराले अनुमति पाइसकेको छ । यो एयरलाइन्सले साताको सोमवार, बुधवार र शुक्रवार नियमित उडान गर्ने गरी अनुमति पाइसकेको छ । जेठ २ गते प्रधानमन्त्री शेरबहादुर देउवाले औपचारिक रूपमा व्यावसायिक उडान उद्घाटन गर्ने कार्यक्रम छ । ‘सोही दिन विहान जजिराको जहाज १७० यात्रु बोकेर विमानस्थलमा अवतरण गर्नेछ,’ दाहालले भने, ‘कुवेतमा नेपालीको संख्या कम भए पनि त्यहाँ अमेरिका, क्यानडा लगायत देशको ट्रान्जिट रूट पर्ने भएकाले यात्रुको समस्या हुँदैन ।’ यो विमानस्थलबाट अन्तरराष्ट्रिय उडान प्रारम्भिक चरणमै रहेकाले जजिराबाहेक अन्य वायुसेवा कम्पनी पनि आउने तयारीमा रहेको उनको भनाइ छ । उनका अनुसार थाइल्यान्डको एरो थाई, भियतनाम, कम्बोडियाका साथै मलेशिया, फ्लाई दुबई, एयर चाइना र एयर इन्डियाका अधिकारीहरुसँग पनि छलफल भएको छ । स्वदेशी कम्पनी नेपाल एयरलाइन्स, हिमालय एयरलाइन्सका अधिकारीसँग पनि छलफल भएको उनले बताए । उक्त विमानस्थलमा अहिले भन्सार, अध्यागमन र बैंकका शाखा स्थापना भइसकेका छन् । ‘व्यावसायिक उडानका लागि हामी २ गतेको प्रतीक्षामा छौं,’ दाहालले भने, ‘आन्तरिक कनेक्टिभिटीलाई पनि उत्तिकै प्राथमिकतामा राखिनेछ ।’ निजीक्षेत्रको वायुसेवा कम्पनी बुद्ध एयरले पोखरासमेतलाई आधार बनाएर उडान गर्दै आए पनि अहिले त्रिभुवन अन्तरराष्ट्रिय विमानस्थल नै आन्तरिक र बाह्य उडानको आधारको रुपमा छ । विमानस्थलले एरोड्रम प्रमाणपत्र पनि पाएको छ । नेपाल नागरिक उड्डयन प्राधिकरणले दिने यो प्रमाणपत्रले अन्तरराष्ट्रिय उडानका लागि थप सहयोग गर्नेछ । यो विमानस्थल सञ्चालनमा आएसँगै आन्तरिक गन्तव्यहरू पोखरा, सुर्खेत, धनगढी जस्ता क्षेत्रको उडान प्राथमिकतामा राखिएको उनले बताए । बुद्ध सर्किट, खाडी मुलुक जाने बहुसंख्यक नेपालीहरू यो विमानस्थलबाट जाने र लुम्बिनी प्रदेश, गण्डकी, कर्णालीलाई पनि लक्ष्य गरिने उनको भनाइ छ । गौतम बुद्ध अन्तरराष्ट्रिय विमानस्थलमा गत फागुनमा क्यालिब्रेशन उडान गरिएको थियो । परीक्षण उडान वैशाखमा गरिएको थियो । २०७१ सालमा निर्माण शुरू भएको यो विमानस्थल ७ वर्षमै सम्पन्न भएर सञ्चालनमा आउँदै छ । जेठ २ गते नै लुम्बिनी विकास कोषको ‘इन्टरनेसनल बुद्धिस्ट कन्फरेन्स हल’ पनि उद्घाटन हुने भएको छ । प्रधानमन्त्री शेरबहादुर देउवा र उहाँका भारतीय समकक्षी नरेन्द्र मोदीले संयुक्त रूपमा उक्त हलको उद्घाटन गर्ने कार्यक्रम छ । बुद्ध जयन्तीको अवसर पारेर मोदी लुम्बिनी भ्रमणमा आउँदै हुनुहुन्छ । मोदी आउने भएपछि बुधवार नै भारतीय सेनाको जहाज गौतमबुद्ध विमानस्थलमा अवतरण गरेको दाहालले जानकारी दिए ।

Aarthik Abhiyan चैत्र २०७८

हवाई चापलाई व्यवस्थापन गर्न अन्तरराष्ट्रिय विमानस्थल २४ सै घण्टा सञ्चालन गर्ने तयारी

Aarthik Abhiyan चैत्र २०७८

सेप्टेम्बरमा २१ ओटा एयरलाइन्सबाट ३ लाख ८७ हजार यात्रुले गरे उडान

कात्तिक ३, काठमाडौं । कोरोनाभाइरस (कोभिड–१९) बाट प्रभावित भएको आन्तरिक उडान क्षेत्रका लागि सेप्टेम्बर महीना उत्साहप्रद देखिएको छ । सेप्टेम्बर महीनामा यात्रुको संख्यामा उल्लेख्य वृद्धि देखिएसँगै एक महीनाकै अवधिमा ३ लाख ८७ हजारभन्दा बढि यात्रुले हवाइयात्रा गरेका छन् । आन्तरिक उडान गर्दै आएका विभिन्न २१ ओटा एयरलाइन्स कम्पनीहरुबाट उक्त अवधिमै ३ लाख ८७ हजार ५७९ जना यात्रुले उडान गरेका छन् । यद्यपी यो संख्यामा भीभीआईपी उडानका यात्रु संख्या पनि छन् । त्रिभुवन अन्तरराष्ट्रिय विमानस्थल कार्यालयकाअनुसार सेप्टेम्बर १ तारिखदेखि ३० तारिखसम्ममा आन्तरिक उडानका जहाज तथा हेलिकप्टरहरुबाट उक्त संख्यामा यात्रुहरु आवतजावत गरेका हुन् । दशैंजस्ता चाडपर्व, सडक यातायातमा देखिएको अवरोध र कोभिडको संक्रमणकै बीचमा पनि हवाई यात्रा सहज र सुरक्षित हुँदा यात्रुको संख्यामा उल्लेख्य वृद्धि देखिएको हो । कार्यालयको तथ्यांकअनुसार काठमाडौंबाट बाहिरिने र भित्रने यात्रुको संख्यामाभने उल्लेख्य वृद्धि छैन । उक्त अवधिमा काठमाडौंबाट बाहिरीने यात्रुको संख्या १ लाख ९४ हजार ९५७ रहेको छ, भने काठमाडौं भित्रनेको संख्या १ लाख ९२ हजार ६२२ रहेको छ । उक्त अवधिमा कुल ७ हजार ९५० ओटा उडानबाट ती संख्याका यात्रुहरुले यात्रा गरेका हुन् । यसैगरी यो अवधिमा सबैभन्दा बढि यात्रुलाई सेवादिने कम्पनीमा साविककै बुद्ध एयर परेको छ । उक्त कम्पनीले १ महीनाको अवधिमा नै कुल २ लाख २० हजार ८९६ जना यात्रुलाई सेवा दिएको छ । निजी क्षेत्रको अर्काे प्रतिस्पर्धि एयरलाइन्स कम्पनी यती एयरलाइन्सबाट भने कुल ८४ हजार २७५ जना यात्रुले यात्रा गरेका छन् । एक महीनाको अवधिमा उडान गर्ने तथा यात्रुलाई सेवा दिने कम्पनीमा निजी क्षेत्रकै श्री एयरलाइन्स कम्पनी पर्छ । उक्त कम्पनीले सो अवधिमा ५९ हजार ९०९ जना यात्रुलाई सेवा दिएको छ । यस्तै सौर्य एयरलाइन्सले भने यो अवधिमा १४ हजार १३७ जनालाई सेवादिएको छ । सरकारी लगानीको नेपाल एयरलाइन्सबाट भने जम्मा १ हजार ९०७ जनाले यात्रा गरेका छन् । हालै गुण ब्राण्डबाट सञ्चालन माआएको गुण एयरलाइन्स नै यो अवधिमा कुल ८४ पटक उडान अवतरण गर्दा कुल १ हजार २१३ यात्रुलाई सेवादिएको छ । यसैगरी हेलिकप्टर कम्पनीहरु हेलीएभरेष्ट, अल्टीच्युड, कैलाश, प्रभु, मनाङ, माउन्टेनलगायतका कम्पनीहरुले पनि सेवा दिएका छन् । आन्तरिक उडानमा अहिले बुद्ध, यती, श्री, सौर्य एयरलाइन्स प्रतिस्पर्धि देखिए पनि बुद्ध एयरबाट भने उल्लेख्य यात्रुले सेवा लिएका छन् ।

Aarthik Abhiyan आश्विन २०७८

कोभिड कहर : ७३ प्रतिशत घटे अन्तर्राष्ट्रिय हवाई यात्रु

काठमाडौं । कोभिड–१९ महामारीका कारण त्रिभुवन अन्तरराष्ट्रिय विमानस्थल भएर आवतजावत गर्ने हवाई यात्रुको संख्या उल्लेख्य घटेको छ । अन्तरराष्ट्रियतर्फ अघिल्लो आर्थिक वर्षको तुलनामा गत आर्थिक वर्ष (आव)मा हवाई यात्रु ७३ दशमलव २७ प्रतिशतले घटेको नेपाल नागरिक उड्डयन प्राधिकरणको तथ्यांक छ । प्राधिकरणको वार्षिक प्रतिवेदनअनुसार सन् २०१९ मा अन्तरराष्ट्रिय उडानतर्फ हवाई यात्रु संख्या ४१ लाख ३८ हजार ५६३ थियो भने सन् २०२० मा यो संख्या ७ दशमलव २७ प्रतिशतले घटेर ११ लाख ५ हजार ९२९ मा सीमित रहेको छ । त्यसैगरी आन्तरिक उडानतर्फ पनि अघिल्लो वर्षको तुलनामा ५९ दशमलव ४६ प्रतिशतले घटेको छ । सन् २०१९ मा ३१ लाख ८८ हजार ४२९ हवाई यात्रु आवागमन भएकोमा सन् २०२० मा यो संख्या ५९ दशमलव ४६ प्रतिशतले घटेर १२ लाख ९२ हजार ५२१ कायम भएको छ । कोभिड महामारीले सबैभन्दा बढी प्रभावित बनेको मुलुकको पर्यटन तथा नागरिक उड्डयन क्षेत्रले ठूला नोक्सानी बेहोर्नुपरेको छ । यसमध्ये पनि सबैभन्दा बढी असर हवाई क्षेत्रमा परेको छ । प्राधिकरणले सार्वजनिक गरेको आर्थिक वर्ष २०७७/७८ को वार्षिक प्रगति विवरणमा महामारीका कारण प्राधिकरणको आम्दानी अघिल्लो आवमा ४३ प्रतिशत र गत आवमा ७२ प्रतिशतले घटेको उल्लेख छ । २०७६ फागुनदेखि विश्वमा देखापरको कोरोनाको महामारीका कारण यसबाट प्राधिकरणको स्रोतबाट सञ्चालन हुने योजना तथा कार्यक्रम समेत प्रभावित भएको बताइएको छ । नेपाल सरकारको शेयर लगानी तथा दातृ निकायको ऋण सहयोगमा सञ्चालित विमानस्थल पूर्वाधार विकाससँग सम्बन्धित आयोजनामा पनि पटकपटकको बन्दाबन्दी तथा निषेधाज्ञाका कारण अवरोध उत्पन्न भएको थियो । सम्पन्न हुने चरणमा रहेका आयोजना सोही कारण पछाडि धकेलिन पुगेको प्रतिवेदनमा उल्लेख छ । सरकारले सन् २०२० लाई नेपाल भ्रमण वर्ष घोषणा गरेकाले उक्त वर्ष उल्लेख्य संख्यामा विदेशी यात्रुको आगमन हुने अपेक्षा गरिएको थियो । तर कोभिडका कारण सो वर्ष हवाई तथा पर्यटन क्षेत्र धराशयी हुन पुगे । हाल मुलुकमा एकमात्र अन्तरराष्ट्रिय विमानस्थल (त्रिभुवन अन्तरराष्ट्रिय विमानस्थल) रहेको छ । थप दुई अन्तरराष्ट्रिय विमानस्थलहरू गौतमबुद्ध अन्तरराष्ट्रिय विमानस्थल र पोखरा क्षेत्रीय अन्तरराष्ट्रिय विमानस्थल निर्माणाधीन छन् । त्रिभुवन अन्तरराष्ट्रिय विमानस्थललाई बुटिक विमानस्थलको रूपमा विकास गर्ने योजनाअनुरूप अन्तरराष्ट्रिय टर्मिनल भवन र आन्तरिक टर्मिनल भवनको पुनर्निर्माण (रेनोभेसन) सम्बन्धी कार्य सम्पन्न भएको प्राधिकरणको प्रगति विवरणमा उल्लेख छ । हाल अन्तरराष्ट्रिय उडानतर्फ तीन नेपाली वायुसेवा र २७ ओटा विदेशी वायुसेवा गरी ३० ओटा वायुसेवाले १५ मुलुकको ३२ गन्तव्यमा उडान सञ्चालन गरिरहेका छन् । यस्तै आन्तरिक उडानतर्फ ९ वायुसेवा र १० हेलिकोप्टर कम्पनीले सेवा दिइरहेका छन् । रासस

Aarthik Abhiyan श्रावण २०७८

नेपाल वायुसेवा निगमले तत्काल यूएईको उडान नभर्ने

काठमाडौँ- नेपाल वायुसेवा निगमको जहाजले तत्कालै यूएई जाने यात्रु नबोक्ने भएको छ । त्रिभुवन अन्तरराष्ट्रिय विमानस्थल परिसरमा यात्रुका लागि आरडीटी परीक्षणको व्यवस्था नगरिएकाले निगमले यात्रु नलैजाने सूचना जारी गरेको हो । विमानस्थलमा आरडीटी परीक्षण हुनासाथ उडान सेवा सुचारु गरिने निगमले बताएको छ । निगमले यूएईको लागि टिकट खरिद…

ekagaj आषाढ २०७८

नेपाल वायुसेवा निगमले तत्काल यूएईको उडान नभर्ने

काठमाडौँ- नेपाल वायुसेवा निगमको जहाजले तत्कालै यूएई जाने यात्रु नबोक्ने भएको छ । त्रिभुवन अन्तरराष्ट्रिय विमानस्थल परिसरमा यात्रुका लागि आरडीटी परीक्षणको व्यवस्था नगरिएकाले निगमले यात्रु नलैजाने सूचना जारी गरेको हो । विमानस्थलमा आरडीटी परीक्षण हुनासाथ उडान सेवा सुचारु गरिने निगमले बताएको छ । निगमले यूएईको लागि टिकट खरिद…

ekagaj आषाढ २०७८

अन्तरराष्ट्रिय विमानस्थल : काठमाडौँमा चाप, भैरहवामा यात्रु नहुँदा उडान बन्द

सम्बन्धित सामग्री