माघ १२, काठमाडमौं । साताको चौथो कारोबार दिन बुधवार बजार ३८ दशमलव ४५ अंक घटेपनि दुई ओटा धितोपत्रको मूल्यमा सर्किट लागेको छ ।
कारोबारमा आएका २३३ ओटा धितोपत्रमध्ये दुई ओटा धितोपत्रको मूल्यमा सकारात्मक सर्किट लागेको हो । विन नेपाल लघुवित्त वित्तीय संस्था र बुद्धभुमि नेपाल हाइड्रोपावर कम्पनीको शेयरमूल्य अघिल्लो कारोबार दिनको तुलनामा १० प्रतिशत वृद्धि भएसँगै सकारात्मक सर्किट लागेको हो ।
विन नेपाल लघुवित्तको शेयरमूल्य प्रतिकित्ता रू. १ हजार २१६ दशमलव ६० र बुद्धभुमि नेपाल हाइड्रोपावरको शेयरमूल्य प्रतिकित्ता रू. ४६३ दशमलव २० पुगेको छ ।
यी दुबै कम्पनीको शेयरमा विक्रेताभन्दा क्रेता धेरै भएकाले शेयरमूल्य बढेको हो । यी बाहेक सिइडिबी हाइड्रोपावरको शेयरमूल्य ४ दशमलव ९७ प्रतिशत वृद्धि भएर रू. ९२९ पुगेको छ ।
त्यसैगरी सानिमा जनरल इन्स्योरेन्स कम्पनीको शेयरमूल्य अघिल्लो कारोबार दिनको तुलनामा ४ दशमलव शून्य ३ प्रतिशत वृद्धि भएर रू. ६७६ दशमलव २० पुगेको हो ।
.jpg)
