मंसिर २०, काठमाडौं । साताको दोस्रो कारोबार दिन सोमवार बजार खुलेको एक घण्टाको अवधिमा नेप्से परिसूचक अघिल्लो कारोबार दिनको तुलनामा ६५ दशमलव २४ अंकले घटेको छ ।
नेप्से परिसूचक २ हजार ४४८ दशमलव ६३ विन्दुमा झरेको हो । यो दिन करोबार शुरु भएदेखि नै बजार घटिरहेको छ । यसअघि नेप्से परिसुचक ३ हजार १९८ विन्दुमा घटेर २ हजार ५१० सम्म झरेको थियो भने पुन २ हजार ८०० विन्दुमाथि पुगेको थियो ।
मौद्रिक नीतिको समिक्षा पछि नेप्से परिसूचक लगातार घट्न थालेको हो । यो समाचार तयार पार्दासम्म २०७ ओटा धितोपत्रको २० लाख ९६० कित्ता शेयरको १ अर्ब ९९ लाख रुपैयाँ बराबरको खरीदविक्री भएको छ ।