लुम्बिनी प्रदेशको एकमात्र हिमाली जिल्ला रुकुम पूर्वबाट दाङ जाने बाटो हो, सहिदमार्ग । सहिदमार्ग सडक योजनाअन्तर्गत आ.व. २०६४/०६५ देखि यो सडक निर्माणाधीन अवस्थामा छ । रुकुम पूर्वको मैकोट, हुकाम, तकसेरा, रिकाधुरी, कांक्री, दुमै र महत हुँदै रोल्पाको थबाङ, दुईखोली, घर्तीगाउँ, दारबोट, तिला, नुवागाउँ हुँदै होलेरीबाट दाङ घोराहीसम्मको कुल २ सय २० किलोमिटर लामो छ । योजना प्रमुख पवन भट्टराईका अनुसार यो मार्गमा करिब २ अर्ब ५० करोड लगानी भैसकेको छ भने लगभग २६ प्रतिशत भौतिक प्रगति भएको छ ।
