सुर्खेत – सुर्खेतको वीरेन्द्रनगर नगरपालिकाको मेयर र उपमेयरमा नेकपा एमालेका उम्मेदवार विजयी भएका छन् ।
आज सम्पन्न मत परिणामअनुसार मेयरमा मोहनमाया भण्डारी १६ हजार ३८ मत ल्याएर विजयी हुनुभयो । उहाँका प्रतिस्पर्धी नेपाली कांग्रेसका उपेन्द्रबहादुर खड्काले १५ हजार चार सय ८४ मत प्राप्त गर्नुभयो ।
यस्तै उपमेयरमा नीलकण्ठ खनाल २० हजार तीन सय ६४ मत ल्याएर विजयी हुनुभयो । उहाँका प्रतिस्पर्धी नेकपा माओवादी केन्द्रकी शान्ति ढकालले ११ हजार पाँच सय ३३ मत प्राप्त गर्नुभयो ।
